Бештари муҳоҷироне, ки ба умеди кори беҳтар аз сарзаминашон ба самти Аврупо кӯч мекунанд, нигарон ҳастанд, ки ифшогарӣ дар бораи дарёфти ҳуқуқи ками онҳо боис шавад, ки ин афрод пас аз поёни замон визои кории худ, бо таҳдиди ихроҷ аз кишварҳои Аврупо мувоҷиҳ шаванд. Ба гузориши Порс тудей, Созмони байналмилалии кор дар ҳамин робита эълом кардааст: «Беш аз ниме аз кори иҷборӣ дар кишварҳои бо даромади мутавассит ё бо даромади боло иттифоқ меафтад ва коргарони муҳоҷир себаробар бештар дар маърази осеб қарор мегиранд».
Бар асоси гузориши Маркази адолати иҷтимоӣ (centre for social justice) ва низ Муассисаи адолат ва муроқибат (justice and care) дар Англия, ҷангҳо, таҳримҳо ва анвоъи фишорҳо бар мардуми нуқоти мухталифи ҷаҳон ба фаъолият шабакаҳои бардадории навин доман задааст. Ин шабакаҳо бо баҳракашӣ аз қурбониён ва анҷоми кор дар мазореъ ва машоғили сахт бо ҳуқуқи бисёр ночизи солона миллиардҳо доллар суд дар ҷайби гардонандагони худ бавижа дар Аврупо ва Амрико сарозер мекунанд.
342/
