(ABNA24.COM) Муовини сиёсии вазири хориҷаи Эрон бо баёни ин ки “Инстекс” тақрибо ба мароҳили амалиётӣ расидааст, гуфт, дар ҷаласаи имрӯзи комиссияи муштарак таъкид кардем, ки бидуни бароварда шудани интизоротамон дар ҳавзаҳои иқтисодӣ, бозгашти комили Эрон ба БарҶом мақдур нест.
Сайид Аббоси Ироқчӣ, муовини сиёсии вазири умури хориҷаи Эрон, ки барои ширкат дар нишасти комиссияи муштараки БарҶом дар сатҳи муовинон ва мудирони сиёсии Эрон ва гурӯҳи 4+1 дар Вена ҳузур дорад, баъд аз зуҳри имрӯз (чаҳоршанбе) дар поёни ин нишаст дар ҷамъи хабарнигорон гуфт, нишасти комиссияи муштараки БарҶом ҳар се моҳ як бор баргузор мешавад ва охирин вазъияти иҷрои БарҶом ҳам дар ҳавзаи ҳастаӣ ва ҳам дар ҳавзаи рафъи таҳримҳоро баррасӣ мекунад ва ин ривол аз қабл аз иҷро шудани БарҶом то ҳол дар ҷараён будааст.
Вай афзуд, мавзӯи аслӣ дар ҷаласаи имрӯз баҳси таъсироти хуруҷи Амрико ва бозгашти таҳримҳои Амрико алайҳи Эрон буд, ки дар ин ҷаласа баррасӣ шуд ва ин ки чӣ гуна метавон ба навъе манофеи иқтисодии Эрон аз БарҶомро таъмин кард.
Муовини сиёсии вазири хориҷаи Эрон гуфт, ҳамаи аъзои боқимонда дар БарҶом дар ин ҷаласа муҷаддадан бар аҳамияти БарҶом таъкид карданд ва ин ки ин тавофуқи муҳими байналмилалӣ аст ва ҷанбаҳои амниятӣ ва иқтисодӣ дорад ва бояд ҳифз шавад ва ҳимояти худро муҷаддадан эълом карданд ва ба вижа ҳимояти худро аз ибтикороте, ки мунҷар шавад Эрон аз манофеи иқтисодии БарҶом баҳраманд шавад, эълом карданд.
Ироқчӣ афзуд, дар ин ҷаласа идеяҳои ҷиддитар ва мутамаркизтаре, ки аз сӯйи кишварҳои аврупоӣ барои тақвияти созукори “Инстекс” ироа шуд. Вай гуфт, “Инстекс” тақрибан ба мароҳили амалиётӣ расидааст ва ин ки чӣ гуна метавон онро тақвият кард, мавриди баҳс қарор гирифт.
