Ба гузориши агентсии хабарии «Абна» ба нақл аз «Ал-Манар», шайх Наим Қосим дар суханрониҳо ба муносибати мавлуди Паёмбари гиромии Ислом ва ҳафтаи ваҳдати исломӣ гуфт: ваҳдати исломии матлуб, ваҳдатест, ки ба қудрати мусалмонон мунҷар мегардад ва якпорчагӣ ва ҳамкории байни онҳо, хусусан байни давлатҳо ва миллатҳоро таҳқиқ месозад. Ваҳдати исломии матлуб, озодии уммати исломӣ аз бандагӣ ва бегонагӣ ва мубориза бо ихтилофот ва монеаҳои фирқавӣ, мазҳабӣ ва сиёсӣ мебошад.
Котиби генералии Ҳизбуллоҳи Лубнон таъкид кард: ваҳдати исломии матлуб, мубориза бо лоиҳаҳои тақсим ва фитнаангези Амрико ва Исроил мебошад, ки бо ҳадафи тақсими минтақаи мо анҷом дода мешавад. Ваҳдати исломӣ маънои тамаркуз бар душмани ҳақиқии уммати исломӣ ва гузаштан аз ихтилофоти дохилиро дорад.
Шайх Наим Қосим тасреҳ кард: ваҳдати исломӣ ду натиҷа дорад: якум, барои пешгирӣ аз ихтилоф ва муттаҳид шудан; дуюм, ин ваҳдатро ба ваҳдати миллӣ ва инсонӣ таъмим додан. Натиҷаи дуюм ин аст, ки мо дар атрофи масъалаи асосии Фаластин, ки ояндаи тамоми минтақаро нишон медиҳад, муттаҳид хоҳем шуд.
Вай изҳор дошт: ормони Фаластин як масъалаи фирқавӣ нест, балки як ормони исломӣ, миллӣ, арабӣ ва инсонӣ аст. Мо аз кишварҳои арабӣ ва исломӣ ва миллатҳои онҳо хоҳиш мекунем, ки муттаҳид шаванд ва дар ҳоле ки душманон ба минтақаи мо ворид мешаванд ва бародаронашон ранҷ мебаранд, даст рӯи даст нагузоранд.
Вай афзуд: вақти он расидааст, ки минтақаи мо тавассути тафоҳум байни кишварҳояш амн шавад ва ба такаббур поён дода шавад.
Your Comment