18 бонуи эронӣ дар зумраи донишмандони пуристиноди ҷаҳон, инсонҳо 50 ҳазор соли дигар чӣ шаклӣ мешаванд?, нақзи қонунҳои антитраст тавассути “Майкрософт” дар Амрико ва 100 барноманависи бартари ҷаҳон дар роҳи рақобати Теҳрон, аз охирин ахбори илмии Эрон ва ҷаҳон аст, ки дар ин бастаи хабарии “Порс-Тудей” мехонед:
18 бонуи эронӣ дар зумраи донишмандони пуристиноди ҷаҳон
Ҳуҷҷатулислом валмуслимин Мустафо Рустамӣ, устоди донишгоҳҳои Санъатии Шариф ва Бӯалӣ Синои Эрон гуфт, тибқи охирин омор, 18 донишманди зани эронӣ ҷузъи пуристинодтарин занони донишманди ҷаҳон ҳастанд, ки ин нишон аз пешрафти бонувон дар Ислом ва Ҷумҳурии исломии Эрон аст. Вай ҳамчунин бо интиқод аз нигоҳи абзории Ғарб ба занон изҳор дошт: Улгӯи зан дар Эрон, инсонсозӣ ва тавваҷуҳ ба хонавода буда ва ин улгӯе аст, ки Ислом онро ироа додааст.
Нақзи қавонини антитраст тавассути “Майкрософт” дар Амрико
“Андроид Ауторити” дар гузорише навишт: Комиссияи федерали тиҷорати Амрико таҳқиқоте дар бораи нақзи қавонини антитраст тавассути ширкати “Майкрософт”-ро оғоз кардааст. Ин иқдом пас аз интишори гузориши нашрияи “ProPublica” анҷом шуд, ки дар он ҷузъиёте дар бораи чигунагии сӯиистифодаи ширкати “Майкрософт” аз саҳми бозори худ барои дастёбӣ ба мазияти ноодилона дар қарордодҳои давлатӣ фош шуд.
100 барноманависи бартари ҷаҳон дар роҳи рақобати Теҳрон
Марҳалаи ниҳоии мусобиқоти байналмилалии барноманависии “Роён” бо ҳузури 100 баргузида аз саросари ҷаҳон, баҳори соли 1404 ба мизбонии Донишгоҳи Санъатии Шарифи Эрон дар Теҳрон баргузор мешавад. Гуфтанӣ аст, дар марҳалаи интихобии ин мусобиқот, беш аз 25 ҳазор нафар аз беҳтарин барноманависони саросари ҷаҳон аз 140 кишвар бо ҳам рақобат карданд.
Инсонҳо 50 ҳазор соли дигар чи шаклӣ мешаванд?
Вебгоҳи «Дейли Галакси” дар гузорише навишт: Донишмандон муътақиданд, мумкин аст инсонҳо дар 50 ҳазор соли дигар аз назари женетикӣ якдасттар шаванд. Бо афзоиши муҳоҷирату издивоҷи афроди нажоду мазҳабу миллиятҳои мухталиф бо якдигар, мумкин аст вижагиҳои муртабит бо манотиқи хос, масалан пӯститираи африқоиҳо ё пӯстиравшани аҳолии Скандинавия ба сурати як миёнгини ҷаҳонӣ дар ҳам таркиб шаванд.
