Раҳбари Инқилоби Исломӣ дар дидори масъулони низом, суфарои кишварҳои исломӣ ва ҷамъе аз қишрҳои мухталифи мардуми Эрон бо таъкид бар дасти бародарии Ҷумҳурии Исломии Эрон ба самти ҳамаи давлатҳои исломӣ, гуфтанд: Роҳи мувоҷиҳаи муассир бо ҷиноёти бесобиқаи режими саҳюнистӣ ва ҳомиёни он дар Фаластину Лубнон, иттиҳоду ҳамдилӣ ва ҳамзабонии давлатҳои исломӣ аст.
Ба гузориши Порс Тудей ба нақл аз пойгоҳи иттилоърасонии дафтари мақоми муаззами раҳбарӣ, имом Хоманаӣ дар ин дидор бо табрики Иди Саид ва мубораки Фитр ба уммати исломӣ ва миллати Эрон, ин идро яке аз нуқоти иттисоли дунёи ислом ба якдигару мӯҷиби афзоиши рӯзафзӯни иззати ислому Расули гиромии он хонданд ва афзуданд: Лозимаи таҳаққуқи иззати рӯзафзӯни исломӣ, иттиҳоду ҳиммату басирати уммати исломӣ аст.
Эшон бо ишора ба ҳаводиси пай дар пай ва пурсуръати ҷаҳонӣ гуфтанд: Дар қиболи ин ҳаводиси сареъ, давлатҳои исломӣ бояд бо суръат ва диққат ҷойгоҳи худро мушаххас ва барои онҳо фикру барномарезӣ кунанд.
Раҳбари Инқилоби Исломӣ, ҷамъияти зиёди мусулмонон, сарвати саршори табиӣ ва қарор гирифтан дар ҷуғрофиёи ҳассосе аз ҷаҳонро аз фурсатҳои муҳими дунёи ислом баршумурданд ва хотирнишон карданд: Лозимаи истифода аз ин фурсатҳо ва мавқеъиятҳои ҳассос, иттиҳоди дунёи ислом аст. Албатта иттиҳод ба маънои яке шудани давлатҳо ё ҳамфикр шудани онҳо дар ҳамаи гароишҳои сиёсӣ нест, балки ба маънии шинохти манофеи муштарак ва таъриф кардани манофеи худ ба гунае, ки боиси ихтилофу низоъ ва даъво байни якдигар нашавад.
Эшон бо таъкид бар инки маҷмуаи дунёи ислом як хонаводааст ва давлатҳои исломӣ бояд бо ин нигоҳ фикр ва амал кунанд, афзуданд: Ҷумҳурии исломӣ дасти худро ба самти ҳамаи давлатҳои исломӣ дароз карда ва худро бо онҳо бародар ва дар як ҷабҳаи куллӣ ва асосӣ медонад.
Имом Хоманаӣ, ҳамкорӣ ва ҳамфикрии давлатҳои исломиро монеъи таарруз, зӯргӯӣ ва боҷхоҳии қудратҳои мутаҷовиз ва ситамгар донистанд ва гуфтанд: Имрӯз мутаассифона боҷхоҳӣ ва боҷталабӣ аз давлатҳо ва миллатҳои заъиф ба кори роиҷ ва сареҳи қудратҳои бузург табдил шудааст, ки дар муқобили он, мо кишварҳои исломӣ бояд аз ҳуқуқи дунёи ислом дифо кунем ва иҷозаи боҷталабӣ ба Амрико ва ғайри Амрикоро надиҳем.
Эшон бо ишора ба маҷрӯҳ будани Фаластину Лубнон ба далели ҷиноёти режими саҳюнистӣ ва ҳомиёни он, бар лузӯми истодагии дунёи ислом дар муқобили ин ранҷҳо таъкид карданд ва афзуданд: Бо иттиҳоду ҳамдилӣ ва ҳамзабонии давлатҳои исломӣ, дигарон ҳисоби кори худро мекунанд ва умедворем масъулони кишварҳои исломӣ битавонанд бо ҳиммату ангеза ва ҳаракати худ, уммати исломиро ба маънои воқеӣ ташкил диҳанд.
Дар ибтидои ин дидор, оқои доктор Пизишкиён, раиси Ҷумҳурии Исломии Эрон, «иззат, сарбаландӣ, ваҳдат, гузашт, бародарӣ ва ёрии мазлумон»-ро аз муҳимтарин омӯзаҳои моҳи мубораки Рамазон барои мусулмонон донист ва бо хитоб қарор додани суфарои кишварҳои исломӣ, таклифи имрӯзи ҷаҳони исломро канор гузоштани ихтилофҳо ва эҷоди яд(даст)-и воҳида дар баробари режими саҳюнистӣ ва душманони ислом баршумурд ва таъкид кард: Ҷумҳурии исломӣ дасти дӯстӣ ва бародарӣ ба самти ҳамаи кишварҳои исломӣ дароз мекунад.
342/
Your Comment