Аносири Ташкилоти худгардони Фаластин дар ҷараёни юриш ба урдӯгоҳи Ҷанин, ки ба ниёбат аз режими Исроил сӯрат гирифтааст, як рӯзноманигори зан ба номи Шази Ал Сабоғро ба шаҳодат расонданд. Ба гуфтаи манобеи фаластинӣ, ин рӯзноманигор бо шиллики силоҳи тактирандоз аз ноҳияи ҷумҷума ба шиддат захмӣ шуд ва пас аз интиқол ба бемористон ба шаҳодат расид.
Хонаводаи вай ба “Алҷазира” гуфтанд, ки ин шаҳида ба ҳангоми хурӯҷ аз хонааш ҳадафи шиллик қарор гирифт ва ба замин афтод.
Мӯътасим Ал Сабоғ, бародари ин рӯзноманигори шаҳид низ дар ҳафтуми марти соли гузаштаи милодӣ ба дасти низомиёни исроилӣ ба шаҳодати расида буд.
Аз 24 рӯз пеш ва бо юриши аносури амниятии Ташкилоти худгардон ба урдӯгоҳи Ҷанин барои саркӯби муқовимат дар ин урдӯгоҳ, токунӯн 6 тан аз аҳолӣ, аз ҷумла ду кӯдак ба шаҳодат расидаанд.
Юриши неруҳои амниятии Ташкилоти худгардон ба урдӯгоҳи Ҷанин дар ростои ҳамкории амниятӣ бо режими саҳюнистӣ дар боздошти теъдоде аз муборизони муқовимат анҷом мешавад.
Мардум ва гуруҳҳои муборизи фаластинӣ дар муносибатҳои мухталиф эълом кардаанд, ки Ташкилоти худгардони Фаластин ба ҷои дифо аз фаластиниён ба бозуи иҷрои режими саҳюнистӣ дар Каронаи Бохтарӣ ва Қудс табдил шуда ва дар талош барои маҳдӯд кардани фаъолияти муборизони фаластинӣ алайҳи ишғолгарон аст. Онҳо борҳо аз мақомоти Ташкилоти худгардони Фаластин хостаанд, ки ба ҳамкориҳои амниятӣ бо режими саҳюнистӣ поён дода ва дар канори миллати худ биистанд.
Таърихи Фаластин ҳамвора бо ҳаводису фарозу нишебҳои фаровоне ҳамроҳ будааст. Дар соли 1964 артиши Созмони озодибахши Фаластин ба унвони шохаи низомии ин созмон таъсис шуд. Тавофуқномаи аввали услӯ дар соли 1993 миёни Созмони озодибахши Фаластину режими саҳюнистӣ шомили тавофуқе барои эҷоди як неруи полиси фаластинӣ, ҷиҳати ҳифзи назми умумӣ ва амнияти дохилии фаластиниён дар Каронаи Бохтарӣ ва Борикаи Ғазза буд ва бар асоси ин тавофуқ артиши Исроил масъӯлияти мубориза бо таҳдидоти хориҷиро бар ӯҳда гирифт. Сипас тавофуқи Қоҳира дар соли 1994 имзо шуду матни он ишора ба ақабнишинии артиши ишғолгар аз шуморе аз манотиқи Борикаи Ғазза ва низ шаҳри Ариҳо дошт то марҳалаи аввал аз ҳукӯмати Ташкилоти худгардони Фаластин оғоз шавад.
Сипас тавофуқи дувуми услӯ дар соли 1995 Каронаи Бохтариро ба се минтақа тақсим кард, ки ба шакли зер аст:
- Минтақаи алиф, ки Ташкилоти худгардони Фаластин масъӯлиятҳои идорӣ ва амниятии онро бар ӯҳда дошту шомили ҳашт шаҳри бузурги Каронаи Бохтарӣ ва кулли Борикаи Ғазза ба истиснои шаҳракҳо ва мавозеъи низомии режими Исроил буд.
- Минтақаи “б”, ки Ташкилоти худгардони Фаластин танҳо вазоифи идорӣ дар он бар уҳда дошту шомили 450 шаҳр ва русто мешуд.
- Минтақаи “ҷ”, ки 61 дарсад аз масоҳати Каронаи Бохтариро шомил мешавад ва аз назари амниятӣ ва идорӣ таҳти сайтараи саҳюнистҳо қарор гирифт.
Гуфтанист, Ташкилоти худгардони Фаластинро набояд бо Созмони озодибахши Фаластин иштибоҳ гирифт. Созмони озодибахши Фаластин танҳо наҳоде аст, ки ба унвони намояндаи мардуми Фаластин дар сатҳи байналмилалӣ шинохта мешавад ва дар Созмони милал низ узвият дорад. Аммо Ташкилоти худгардон ба умӯри дохилии манотиқи фаластиннишин мепардозад.
Ҳамкории амниятии ташкилоти Худгардони Фаластин бо душман таъсири манфии шадиде бар равобити ин ташкилот бо гуруҳҳои муқовимат ва дар раъси онҳо ҷунбиши Ҳамос гузошту тирагии равобит миёни онҳо дар 18 ноябри 1994 бо тирандозии неруҳои полиси Ташкилоти худгардон ба самти тазоҳуркунандагон дар Ғазза, ба авҷи худ расид; ҷое, ки 18 нафар аз ширкаткунандагон дар ин тазоҳурот ба зарби гулӯлаи неруҳои Ташкилоти худгардон ба шаҳодати расиданд. Ҳамчунин неруҳои амниятии Ташкилоти худгардон як анҷумани бузург аз боздошти аносури Ҳамосро дар соли 1996 оғоз карданд.
Дар он замон Амрико аз Ташкилоти худгардони Фаластин хост ба ҳамоҳангии амниятии худ бо артиши режими саҳюнистӣ ҷиҳати саркӯби муқовимат идома диҳад. Бар асоси гузорише, ки Маркази таҳқиқоти Конгресси Амрико мунташир кард, аз соли 1996 созмони СИА, солона даҳҳо миллиондоллар мустақиман дар ихтиёри сервисҳои амниятии вижаи муқобила бо муқовимати Фаластин қарор додааст.
Аз авосити даҳаи 1990 то поёни он, Ташкилоти худгардони Фаластини вориди марҳалае систематӣ барои зарба задан ба муқовимат шуд. Сарони Ташкилоти худгардон дар ин марҳалаи шурӯ ба хиёнати аланӣ алайҳи мардуми Фаластину таҳвил додани размандагони муқовимат ба душмани саҳюнистӣ карданд.
Ташкилоти худгардони Фаластин, ки муддаӣ аст, намояндаи мардуми Фаластин аст, дар воқеъ як ниҳоди комилан вобаста ба Амрико ва режими саҳюнистӣ ва таҳти назорати онҳост. Идомаи ҳамкории амниятии Ташкилоти худгардони Фаластин бо режими саҳюнистӣ ҳатто бо вуҷӯди оғози амалиёти Тӯфони Ал Ақсо дар 7 октябри 2023, мӯҷиб шуда то ҷойгоҳи ин ташкилот дар миёни мардуми Фаластин ба шиддати таназзул пайдо кунаду машруияти худро аз даст бидиҳад.
