Ҳамлаи режими саҳюнистӣ ба оворагони фаластинӣ дар Хон Юнус, заработи сангини артиши Сурия ба террористҳо, таъкиди Эрон бар ҳимоят аз Сурия, барҳамхӯрии ҳукумати Фаронса, вокуниши Путин ба таҳдидоти Трамп алайҳи БРИКС ва эътирофи мақоми англис ба нобудии артиши Англия дар як ҷанги бузург, гузидае аз охирин таҳаввулоти ҷаҳон аст, ки дар ин гузориш аз “Порс-Тудей” мехонед.
Шаҳодати даҳҳо фаластинӣ дар ҳамалоти режими саҳюнистӣ
Ба гузориши чаҳоршанбешаби Хабаргузории садо ва симо, дар пайи ҳадаф қарор додани урдӯгоҳи оворагони фаластинӣ дар Хон Юнус (ҷануби Ғазза), дастикам 20 фаластинӣ ба шаҳодат расиданд ва даҳҳо нафар низ захмӣ шуданд.
Дар ҳамин ҳол, бар асоси эъломи як манбаъ дар дифои мадании Ғазза, дар ҳамлаи рӯзи чаҳоршанбеи ҷангандаҳои режими саҳюнистӣ ба як хонаи маскунӣ дар минтақаи Аннафақ, дар маҳаллаи Шайх Ризвон (шимоли Ғазза) дастикам 10 фаластинӣ шаҳид ва беш аз 50 нафари дигар захмӣ шуданд.
Рӯзномаи англисии “Гардиан” рӯзи чаҳоршанбе бо ишора ба гузориши ахири Созмони Афви Байналмилал эътироф кард, ҷанги Исроил дар Ғазза тибқи қонунҳои байналмилалӣ як наслкушӣ аст.
Ақибнишинии террористҳо аз манотиқи таҳти нуфузи худ дар атрофи Ҳамоҳ дар пайи ҳамлаи артиши Сурия
Ба гузориши ИРНА, телевизиони Сурия чаҳоршанбешаб аз ақибнишинии афроди гурӯҳаки террористии “Таҳрир-уш-Шом” аз ҳумаи Ҳамоҳ дар шимоли ғарбии Сурия, дар пайи ҳамлаи артиши ин кишвар хабар дод.
Телевизиони Сурия изофа кард, артиши Сурия ба сурати дақиқ маҳалли таҷаммуи террористҳо дар ҳумаи Ҳамоҳро ҳадаф қарор дод, ки мунҷар ба кушта шудани даҳҳо террорист ва нобудии худравҳои онҳо шудааст.
Хабаргузории “Спутник” низ чаҳоршанбешаб эълом кард, артиши Сурия бо фиреби гурӯҳакҳои террористӣ, онҳоро дар як камини печида дар минтақаи Ҷабали Зайнулъобидин, дар ҳумаи шимолии Ҳамоҳ қарор додааст, ки дар пайи ин камин хисороти ҷониву таҷҳизотии зиёде ба террористҳо ворид шуд.
Ҳӯши маснуӣ - абзори тавлиди ахбори дурӯғин тавассути террористҳо дар Сурия
Дар ҳамин ҳол, Вазорати иттилоърасонии Сурия рӯзи чаҳоршанбе дар баёнияе эълом кард, гуруҳҳои террористӣ бо истифода аз ҳӯши маснуӣ дар ҳоли тавлиди видеоҳое аз артиши Сурия ва равандҳои ҷорӣ дар маёдини набард ҳастанду талош доранд то бад-ин васила худро пирӯзи ин набардҳо муаррифӣ кунанд.
Дар ин баёния омадааст: Террористҳо улгӯ ва равиши саҳюнистҳоро дар тавлиду тарвиҷи филмҳо дар замони ҷанги Лубнон мавриди истифода қарор медиҳанд.
Таъкиди Ироқчӣ бар ҳимояти Эрон аз Сурия дар мубориза бо гуруҳҳои террористӣ
Сайид Аббоси Ироқчӣ, вазири хориҷаи Ҷумҳурии исломии Эрон чаҳоршанбешаб дар гуфтугӯи телефонӣ бо Бадр Абдулъоти, вазири хориҷаи Миср, зимни ташреҳи натоиҷи гуфтугӯҳои анҷомшуда бо мақомоти Сурияву Туркия дар ҷараёни сафари ахираш ба Димишқу Анкара, бар сиёсати собити Эрон дар ҳимоят аз давлат, артиш ва миллати Сурия барои мубориза бо гуруҳҳои террористӣ таъкид кард.
Вазири хориҷаи Миср низ дар ин гуфтугӯи телефонӣ бо ишора ба тамосҳои телефонии рӯзҳои ахираш бо вузарои хориҷаи теъдоде аз кишварҳо, бар сиёсати кишвараш дар ҳимоят аз ҳокимият, тамомияти сарзаминӣ ва ниҳодҳои қонунии Сурия таъкид кард.
Путин дар вокуниш ба таҳдидҳои Трамп: Доллар қудрати 4 соли гузаштаро надорад
Владимир Путин, раисиҷумҳури Русия рӯзи чаҳоршанбе дар вокуниш ба таҳдидҳои Доналд Трамп, раисиҷумҳури мунтахаби Амрико алайҳи гуруҳи БРИКС эълом кард, ки доллар қудрати чаҳор соли гузаштаи худро надорад.
Трамп рӯзи шанбе дар расонаи иҷтимоии мутааллиқ ба худ – “Трус” хитоб ба кишварҳои узви БРИКС эълом кард, ки чунончӣ аз арзи дигаре барои ҷойгузинии доллар истифода кунанд, ӯ низ дастбакор мешавад.
Нахуствазири Фаронса барканор ва давлати ин кишвар барҳам дода шуд
Порлумони Фаронса рӯзи чаҳоршанбе бо аксарияти оро ба кабинаи ин кишвар ба нахуствазирии Мишел Барне раъйи нобоварӣ дод. Ин барои нахустин бор тайи 60 соли ахир аст, ки давлати Фаронса мунҳал мешавад.
Қонунгузорони фаронсавӣ аз тасвиби буҷети миллии соли 2025 –и ин кишвар тавассути Борне, ки бидуни раъйгирӣ дар маҷлис анҷом шуда буд, норозӣ буданд.
Мақоми низомии Англия: Артиши Англия дар як ҷанги бузург дар муддати 6 моҳ то як сол нобуд мешавад
Аллистар Карнз (Alistair Carns), сиёсатмадори англис, ки масъули умури куҳнасарбозони Англия аст, дар суханоне ҳушдор дод, ки артиши ин кишвар дар сурати даргирӣ дар як ҷанги мушобеҳи Украина, зарфи 6 моҳ то як сол нобуд мешавад.
Карнз дар муассисаи “Роял юнайтед сервисез дар Лондон гуфт, дар як ҷанги густардае монанди Украина, артиши мо ба унвони бахше аз як эътилофи чандмиллиятии густардатар, дар муддати 6 моҳ то як сол нобуд хоҳад шуд .
