Сухангӯи Вазорати умури хориҷаи Эрон афзуд, дар ҳоле ки тайи ҳафтаҳои ахир ҳайати Созмони энержии атомии Эрон бо нигоҳе рӯ ба пеш дар ҳоли гуфтугӯ ва таомул бо мудири кулли Ожонси байни алмилалии энержии атомӣ барои ёфтани роҳи ҳалле амалӣ ҷиҳати ҳаллу фасли печидаву фаннии подмонӣ буд, ҳеҷ далели муваҷҷаҳи фаннӣ ё фаврияти подмонӣ барои ироаи қатъномаи алайҳи Эрон вуҷуд надорад.
Канъонӣ таъкид кард, ҳеҷ тардиде нест, ки Амрико, Англия, Фаронса ва Олмон ба унвони бониёни аслии ин қатъномаи зиддиэронӣ бо сӯиистифода аз шароити ахир, сирфан бо ангезаву ҳадафи эъмоли фишори сиёсӣ бар Эрон, пешниҳоди тасвиби ин қатъномаро ба Шӯрои ҳукком додаанд, иқдоме, ки таъсири манфӣ бар раванди ҳаллу фасли фаннии мавзӯоти мадди назари ожонс хоҳад гузошт.
Сухангӯии дастгоҳи дипломатии Эрон дар идома изҳор дошт, ироаи ин қатъномаи ғайризаруриву мухарриб ва сӯиистифодаи сиёсӣ аз ҷойгоҳу зарфияти Ожонси байналмилалии энержии атомӣ тавассути Амрико ва се кишвари аврупоӣ, бори дигари нияти воқеии ин кишварҳо барои пешбурди дасисаҳову аҳдофи сиёсиашонро ба вузуҳ ба намоиш гузоштааст.
Канъонӣ дар поён бо таъкид бар ин ки Ҷумҳурии исломии Эрон зимни пойбандӣ ба асли вафои ба аҳд дар иҷрои тааҳҳудоти байналмилалии худ, дар дифоъ аз манофеъ ва ҳуқуқи кишвару муқобила бо фишорҳову зиёдахоҳиҳои Амрико ва кишварҳои ғарбӣ мусаммаму пойдор хоҳад буд, афзуд: Бетардид дар сурати тасвиби қатънома, посухи Теҳрон қотеъ ва муассир хоҳад буд.
342/
