ABNA24 – Эшон «ҷиҳоди ривоят ва табйин»-ро аз дигар абъоди хирадмандӣ ва тадбири амиқи ҳазрати Зайнаб(а) баршумурданд ва афзуданд: Он ҳазрат бо ривояти ҳақиқӣ, таъсиргузор ва мондагори Карбало, фурсат надод ривояти душман бар воқеият ғалаба кунад. Раҳбари муаззами инқилоб дар табйин(рӯшангар)-ии аҳаммияти ин мавзӯ бо такрори таъкидоти гузаштаи худ дар бораи зарурати ривояти ҳақиқии «воқеъиёти ҷомеъа, таърихи инқилоб, дифои муқаддас ва ҳаводиси гӯногӯни 42 соли ахир» тасреҳ карданд; агар ин кор нашавад, ки дар мавориди мутааддид нашудааст, душман ривояти таҳрифомезу дурӯғи худро дар афкори умумӣ, ҷорӣ ва бо иваз кардани ҷои золиму мазлӯм, иқдомоти мустамари золимонаи худро тавҷеҳ мекунад. Нигоҳе ба рухдодҳои Эрони исломӣ аз ибтидои пирӯзии Инқилоби Исломӣ гувоҳ бар ин воқеият аст, ки душманон барои зарба задан ба миллати Эрону шикасти Инқилоби Исломӣ ҳар кореро, ки тавонистаанд, анҷом додаанд. Ишораи раҳбари инқилоб ба хушҳолии мустакбирони олам аз ранҷи миллати Эрон, ки дар ҳаводисе назири «кумак ба Саддом барои бомбаборони шимиёӣ ва эҷоди дарди амиқу ранҷи ҷонкоҳ барои мардуми шаҳрҳои марзии Эрон» ва низ дар масоиле монанди «таҳрими доруии миллати Эрон», ёдовари бахше аз ин ҷиноёт аст.
Ҷинояти Амрико дар соқит кардани амдии ҳавопаймои мусофирбарии Эрон бо шиллики мӯшак аз нови ҷангии Амрико дар Халиҷи Форс ва дурӯғҳои мақомҳои Амрико дар ин бора ва ҳамчунин ворунасозии воқеиятҳо дар бораи фаъолиятҳои сулҳомези ҳастаии Эрон, нишондиҳандаи зарурати табйини воқеиятҳо аст.
Миллати Эрон тайи беш аз чаҳор даҳа аз сахтиҳо ва мушкилоту мавонеъи зиёде убӯр карда ва дар муқобили фишорҳои ҳаддиаксарии душманон дар арсаҳои сиёсӣ, иқтисодӣ ва амниятӣ сарбаланд берун омадааст. Давлатмардони Амрико дар 42 соли гузашта ҳар ончӣ аз таҳдид, кудато, таҳрим, таҳрики қавмиятҳо, таҷзияталабӣ, ошӯбталабӣ, муҳосираи иқтисодӣ, нуфӯз ва равишҳои дигар барои зарба задан ба миллати Эрон аз дасташон баромадааст, худдорӣ накардаанд. Амрико ҳамчунин талош кард бо Эронҳаросӣ монеъ аз ҳар гуна ҳамкории Эрон дар арсаҳои иқтисодӣ ва ҳамгароӣ барои ҳифзи амнияти дарунӣ дар минтақа бо мушорикати кишварҳои ҳамсоя шавад. Дар воқеъ ҳадафи Амрико мунзавӣ кардани Эрон дар ғарби Осиё ва фароҳам кардани арса барои Вашингтон ва муттаҳидони минтақаияш будааст.
Ин хусӯматварзӣ дар чиҳилу дусоли гузашта бе вақфа истимрор доштааст. Акнӯн бисёре аз ҳақоиқ бо табйини воқеиятҳо ошкор шудааст, аммо ин ҷараён ниёзманди ҳаракате фарогири ва бо абъоде густардатар барои табйини воқеиятҳо ва ҳақоиқ дар муқобили дурӯғпардозиҳои душман аст.
Табйини воқеиятҳо дар воқеъ бахше аз ҷараёни муқовимат ва як куниши ҳӯшмандона дар муқобили ҷараёни илқоӣ ва фазосозиҳои расонаии Ғарб аст. Табйини воқеиятҳо ба баёни дақиқтар як роҳбурди пешгирона ва як куниши фаъол дар муқобила бо нақшаҳои душману муқобила бо низоми султа аст. Ин ҷараён метавонад ба далели таҳаррукофаринӣ ва муаллафаҳои таъсиргузоре, ки дар худ дорад, барои тамомии миллатҳо ва ҷараёнҳои озодихоҳ як улгӯе коромад башумор бияёд.
Ҳамонтавр, ки раҳбари муаззами Инқилоби Исломӣ хотирнишон карданд, агар воқеиятҳо ва ҳақоиқ табйин нашавад, душман ривояти таҳрифомез ва дурӯғи худро дар афкори умумӣ, ҷорӣ ва бо иваз кардани ҷои золиму мазлӯм, иқдомоти мустамари золимонаи худро тавҷеҳ мекунад, таъкид бар ҳамин нукта муҳим ва роҳбурдӣ аст.
342/
