(ABNA24.com) Манобеи амниятии Ироқ аз кушта шудани 10 нафар ва захмӣ шудани 30 нафар дар ду ҳамлаи террористҳои ДИИШ ба устонҳои Салоҳуддин ва Сулаймония ин кишвар хабар доданд.
Ба гузориши хабаргузории Форс, гурӯҳи террористии ДИИШ рӯзи панҷшанбе эълом кард, ҳамлаи зиддинеруҳои ироқӣ дар Салоҳуддин ва неруҳои курди минтақаи Курдистони Ироқ мавсум ба "Осоиш"-ро дар Сулаймония анҷом додааст.
Артиши Ироқ ва неруҳои муқовимати ин кишвар дар соли 2017 муваффақ шуданд, аносури ДИИШ-ро аз ин кишвар ихроҷ кунанд, аммо бо ин вуҷуд, ҳастаҳои пинҳони террористҳо дар бархе аз манотиқи Ироқ ҳузур доранд ва ҳар аз гоҳе амалиёти террористӣ анҷом медиҳанд.
Michelle Bachelet, комиссари олии ҳуқуқи башари СММ моҳи гузаштаи милодӣ дар нишасти Шӯрои ҳуқуқи башар дар Женева гуфт, 55 ҳазор нафар аз аносури ДИИШ дар Ироқ ва Сурия мустақар ҳастанд.
Неруҳои амрикоӣ пас аз шикасти ДИИШ дар ду кишвари Ироқ ва Сурия, дар ҳоли омӯзиши ҳазорон аносури ДИИШ-ӣ ва истиқрори онҳо дар марзҳои Ироқ ва Сурия ҳастанд.
Ба гуфтаи Абу Анас ал Ҳарирӣ, саркардаи пешини гурӯҳи террористии "Артиши озод"-и Сурия, Амрико дар ҳоли омӯзиши беш аз 65 ҳазор нафар террорист ва истиқрори онҳо дар марзҳои Ироқ ва Сурия аст.
/129
