Рӯзномаи саҳюнистии «Маорив» ба нақл аз Ашкинози, таҳлилгари низомии ин режим навишт: Артиши Исроил нигарони истифодаи Ҷунбиши муқовимати исломии Фаластин (Ҳамос) аз тактикаҳои ҷанги чирикӣ аст, ки дар ҷанги соли 2000 пеш аз ақибнишинӣ (Исроил) аз ҷануби Лубнон, истифода мешуд.
Ба гузориши “Порс-Тудей”, муқовимати Ҳизбуллоҳи Лубнон рӯзи 25 майи 2000 мелодӣ, режими саҳюнистиро пас аз 18 сол маҷбур ба ақибнишинӣ аз ҷануби Лубнон карда буд. Ин рӯз дар Лубнон ба номи Иди муқовимату озодсозӣ лақаб гирифтааст.
Ашкинози афзуд, Исроил бар ин бовар аст, ки Ҳамос бо улгугирӣ аз шеваҳои ҷангӣ дар Лубнон истифода карда, ки аз ҷумлаи он истифода аз манотиқи минагузоришуда аст.
Ин таҳлилгари низомии исроилӣ гуфт, неруҳои муқовимати Ҳамос дар ҳамла ба як пойгоҳи гурдони Шокиди вобаста ба типи Ҷафаоти дар Ҷиболиё 3 низомии саҳюнистро ба қатл расонда ва 20 нафари дигарро захмӣ карданд.
Ба гуфтаи Ашкинози, фаластиниҳо бо истифода аз як минаи заминии зерсатҳӣ, 3 низомӣ аз типи Кфири режими саҳюнистиро ба қатл расонданду илова бар он аз равишҳое низ барои масдуд кардани ҷодаҳову сохтмонҳо истифода карданд.
Таҳаввулоти минтақа дар рӯзҳои ахир ошкор кард, ки режими саҳюнистӣ бо густариши ҷабҳаи ҷанг, ба шиддат осебпазир шудааст ва неруҳои муқовимати фаластинӣ ба роҳатӣ пойгоҳҳои низомии ҳассос, амниятӣ ва ҷосусии режими саҳюнистиро бо муваффақият ҳадаф қарор додаанд.
342/
