Дар варои набард дар минтақаи Бобулмандаб, иттифоқоте дар ҷараён аст, ки тавваҷуҳи ҷаҳонро беш аз пеш ба худ ҷалб кардааст. Яке аз ин иттифоқот, ки ахиран рух дода, сарнагунии як фарванд ҳавопаймои ҷангандаи “F-18”-и супер ҳорнети Нерӯи дарёии Иёлоти Муттаҳидаи Амрико аст.
Ба гузориши “Порс-Тудей”, амрикоиҳо муддаӣ ҳастанд, ки ин ҷанганда бо оташи худӣ сарнагун шуда ва ду халабони он наҷот ёфтаанд, ки яке аз онон захмӣ шудааст.
Ин дар ҳолест, ки артиши Яман эълом кардааст, ин ҷангандаи амрикоӣ дар хилоли даргирӣ сарнагун шудааст. Чунин рухдоде метавонад аз як сӯ тавонмандии низомии яманиҳоро исбот кунад ва аз сӯи дигар, нишон аз заъфи низомии Амрико дар баробари артиши Яман хоҳад буд.
Албатта, ба назар мерасад амрикоиҳо тарҷеҳ медиҳанд худиро мусаббиби сарнагунии чунин ҳавопаймои пешрафтае намоянд то ин ки бихоҳанд бо пазириши масъулияти яманиҳо, заъфи худро дар баробари онон ба намоиш бигузоранд. Чаро ки дар чунин сурате, интиқодҳо алайҳи артиши Амрико ва амалиёте, ки алайҳи Яман ва дар дарёҳои перомунии он ҷараён дорад, афзоиш хоҳад ёфт.
Амрикоиҳо муддаии набард бо он чӣ шибҳинизомиёни ҳусӣ мехонанд, ҳастанду ҳамалоти саҳмгини ҳавоиро алайҳи низомиёну ғайринизомиёни яманӣ анҷом медиҳанд.
Бо ин ҳол, қудратмандтарин артиши ҷаҳон, ки ба пешрафтатарину вайронгартарин таслеҳоти таърих муҷаҳҳаз аст, ҳанӯз натавонистааст қудрати оташи артиши Яманро аз кор биандозад.
Ҳамин чанд рӯзи пеш буд, ки мушакҳои дурбурди шилликшуда аз Яман, бо гузашти чанд ҳазор километр ва убур аз лояҳои мутааддиди дифои ҳавоии Амрико, Исроил ва муттаҳидонашон дар тӯли дарёи Сурх, ба аҳдофе дар даруни Фаластини ишғолӣ исобат карду хисороти сангинеро барҷой гузошт.
Ба талофии ин амалиёт низ, ҳавопаймоҳои ҷангии Амрико ва Исроил ба парвоз даромаданд то сар то сари Яманро ба оташ бикашанд. Бо ин ҳол, гуё дар ҷараёни ҳамин амалиёт, як фарванд ҷангандаи пешрафтаи “F-18”-и амрикоӣ сарнагун шуд.
Амрикоиҳо муддаӣ ҳастанд, ки ин ҷанганда бо оташи худӣ суқут кардааст. Дар ҳоле ки собиқаи артиши Яман дар ҳамла ба новгони ҷангии Амрико ва муттаҳидонаш дар обҳои перомуни Яман ва ҳамчунин тавоноии ҳадафгирии амиқи Фаластини ишғолӣ бо мушакҳои дурбурд нишон медиҳад, ки яманиҳо метавонанд ҳавопаймоҳои ҷангии амрикоиро низ ҳадаф қарор диҳанду ононро сарнагун созанд.
Он ҳам дар ҳоле ки Яман аз солҳо пеш дар муҳосираи заминӣ, ҳавоӣ ва дарёии Амрико ва муттаҳидонаш ҳасту интиқоли таслеҳот ба Яман бисёр душвор шудааст. Аммо яманиҳо дар ҳамин шароит тавонистаанд ба қудрате даст ёбанд, ки ҳамзамон бо ҷанг бо Амрико, ҳамалотеро ҳам ба самти Исроил барномарезӣ ва иҷро кунанд.
Ҳамин мавзуъ ҳам интиқодотро алайҳи фармондеҳони артиши Амрико дар минтақа афзоиш додааст, ки натавонистаанд бар қудрати оташи яманиҳо пирӯз оянд. Аз ин рӯ, онон тарҷеҳ медиҳанд ҷангандаашон дар пайи иштибоҳи худӣ сарнагун шуда бошад то дар пайи қудратнамоии душманашон .
Бо ин ҳол, фориғ аз ин ки кадом ривоят ба ҳақиқат наздиктар аст, аз даст додани як ҷангандаи пешрафта дар ҷараёни ҷанг дар Яман, барои артиши Амрико саршикастагӣ ба ҳамроҳ хоҳад дошт. Чӣ ин ҷанганда бо оташи худӣ сарнагун шуда бошад ва чӣ бо оташи душман.
