Гуфтумони расонаӣ ва адабиёти сиёсии роиҷ дар бораи Эрон, бавижа дар расонаҳои ғарбӣ ва бархе расонаҳои минтақаии вобаста ба Ғарб, ба шиддат таҳти таъсири сиёсатҳои Исроил қарор дорад. Ба гузориши Порс тудей, ин сиёсатгузорӣ, ки тавассути Исроил ва ин шабакаи густардаи расонаии ғарбии вобаста ба он, бо ҳамроҳии Амрико, ҳидоят мешавад, ба гӯнае тарроҳӣ шудааст, ки бо истифода аз чорчӯбҳои забонии ҳадафманду муғризона, воқеиятҳои марбӯт ба Эронро таҳрифу афкори умумии ҷаҳониро алайҳи он таҳрик кунад.
Исроил, меъмори гуфтумони зиддиэронӣ
Исроил ба унвони яке аз бозигарони аслӣ дар тарроҳии сиёсатҳои хасмона алайҳи Эрон, аз расонаҳо ба унвони абзоре барои шаклдиҳӣ ба афкори умумӣ истифода мекунад. Ин рӯйкард дар ростои се ҳадафи умда қобили таҳлил аст:
1 . Мунҳариф кардани таваҷҷуҳ аз ишғолгарӣ ва иқдомоти ғайриқонӯнии худ: Исроил, бо муаррифии Эрон ба унвони таҳдиди ҷаҳонӣ, талош мекунад то таваҷҷуҳотро аз нақзи ҳуқуқи башар, шаҳраксозиҳои ғайриқонӯнӣ ва ишғоли сарзаминҳои фаластинӣ мунҳариф кунад.
2 . Эҷоди иҷмоъи байналмилалӣ алайҳи Эрон ба унвони муҳимтарин монеъ барои истеъмори саҳюнӣ: Исроил аз расонаҳои вобаста ба Ғарб, барои тарвиҷи гуфтумони Эронҳаросӣ ва ташдиди фишорҳои дипломатӣ ва иқтисодӣ бар Эрон баҳра мебарад.
3 . Тақвияти ҷойгоҳи стротежии худ дар минтақа: Исроил бо илқои инки Эрон омили бесуботии минтақа аст, саъй дорад худро ба унвони бозигаре машрӯъ ва мудофеъи субот муаррифӣ кунад.
Шабакаи расонаии ғарбӣ ва бозтавлиди гуфтумон исроилӣ
Шабакаҳои расонаии ғарбӣ, ки бисёре аз онҳо ба ниҳодҳои наздик ба Исроил ё ҳомиёни он вобастаанд, забону мафоҳими хоссеро барои чорчӯбдиҳӣ ба афкори умумӣ дар қиболи Эрон ба кор мебаранд. Бархе аз муҳимтарин меҳварҳои ин сиёсати забонӣ ба гуфтаи Ризо Насрӣ, ҳуқӯқдони байналмилалӣ, иборатанд аз:
- Вожасозиҳои ҳадафманд:
- «Режим» ба ҷои «давлат»: Ин вожа бо ҳадафи костан аз машрӯъияти низоми ҳукуматии Эрон истифода мешаваду Исроил ва Ғарб мехоҳанд бо баҳра аз он аз ҷойгоҳи Эрон ба унвони як бозигари қонӯнӣ дар ҷомеъаи байналмилалӣ бакоҳанд.
- «Ниёбатиҳо» ба ҷои «ҷунбишҳои озодибахши миллӣ»: Ин тағйири вожагон, барои беэътмборсозии гуруҳҳои муқовимати минтақаӣ, тарроҳӣ шуда ва ҳимояти Эрон аз ин гуруҳҳоро ба унвони мудохилае ғайриқонӯнӣ муаррифӣ мекунад.
- «Террорист» ё «милишё- militia» барои гуруҳҳои муқовимат: Расонаҳои ғарбии вобаста ба Исроил бо истифода аз ин барчасбҳо, талош мекунанд, нақши ин гуруҳҳо дар мубориза бо ишғолгарӣ ва истеъморро камаҳаммият ҷилва диҳанд.
- Дугонагӣ дар тафсири иқдомоти минтақаӣ:
- Иқдомоти минтақаии Эрон, монанди ҳимоят аз ҳамсоягон ё муқовимат дар баробари мудохилагарони хориҷӣ, ба унвони «мудохилоти тавсеаталабона» муаррифӣ мешавад. Дар муқобил, ҳамкориҳои минтақаии Исроил ё Амрико, таҳти унвони «иттиҳод» ва «ҳимоят аз субот» тафсир мешавад.
- Барномаи ҳастаии Эрон бо унвони «таҳдиди ҳастаӣ» матраҳ мешавад, дар ҳоле, ки низомигарии ҳастаии Исроил, ки комилан хориҷ аз назорати байналмилалӣ аст, аз нигоҳи расонаҳо амалан ҳазф шудааст.
- Таҳқири фарҳангӣ ва сиёсӣ:
Расонаҳои ғарбӣ, бо тақлили раҳбарии сиёсии Эрон ба «муллоҳо» ва «оятуллоҳҳо», талош мекунанд то печидагиҳои сиёсии Эронро нодида бигиранду тасвири содаингоронае аз он ироа диҳанд, ки ба ҳадафи тақлили машрӯъият кумак кунад.
Расона ба унвони абзори сиёсатгузории Исроил
Бояд донист, муттаассифона расонаҳои ғарбӣ на танҳо паёмрасони гуфтумони исроилӣ ҳастанд, балки амалан ба унвони бозуи нарми сиёсатгузории ин мавҷӯдияти номашрӯъ амал мекунанд. Ин расонаҳо, бо интихоби гузинишии ахбор, ҷиҳатдиҳӣ ба таҳлилҳо ва барчасбзаниҳои муғризона, афкори умумиро дар ҷиҳати манофеи Исроил ҳидоят мекунанд.
- Таҳрифи меҳвари буҳронҳо: Бо барҷаста кардани Эрон ба унвони «омили бесуботӣ», шабакаи расонаии ғарбӣ, решаҳои воқеии буҳронҳои минтақаӣ, аз ҷумла ишғолгарии Исроилу мудохилоти низомии Амрикоро нодида мегирад.
- Машрӯъзудоӣ аз муқовимат: Исроил аз расонаҳои ғарбӣ барои машрӯъзудоӣ аз гуруҳҳои муқовимати минтақаӣ истифода мекунад ва бо барчасби «террорист», талош мекунад муборизоти машрӯъи ин гуруҳҳо алайҳи ишғолгариро ғайриқонӯнӣ ҷилва диҳад.
Ниҳоят инки гуфтумони расонаӣ ба унвони абзори қудрати нарми Исроил
Расонаҳои ғарбӣ, ба унвони бахше аз роҳбурди қудрати нарми Исроилу Амрико, нақши муҳимме дар шаклдиҳӣ ба гуфтумони зиддиэронӣ доранд. Ин гуфтумон, бо истифода аз забону мафоҳими ҳадафманд, на танҳо воқеиятҳои марбӯт ба Эронро таҳриф мекунад, балки ба Исроил имкон медиҳад то иқдомоти ғайриқонӯнии худро аз конӯни таваҷҷуҳ хориҷ кунад.
Бознигарии расонаҳои озоду ғайри вобаста ба Ғарб дар ин чорчӯбҳои забонӣ ва ироаи ривоятҳои ҷойгузин, гоме зарурӣ барои муқобила бо ин ҷараён аст. Талош барои бозтоби воқеиятҳои печидаи минтақаӣ ва нақди таҳрифҳои мавҷӯд, метавонад, заминае барои таҳлили мунсифонатар ва шинохти беҳтари решаҳои буҳронҳои минтақаӣ фароҳам кунад.
