Ба гузориши радиои тоҷикии Садои Хуросон, Алина Шербанова-намояндаи Иттиҳодияи китоби Русия дар ин боздид, таърих ва фарҳанги ғании эрониро сутуд ва гуфт: Нависандагон ва ноширони Русия омодагӣ доранд, то бо ҳамтоёни худ дар Эрон барои густариши ҳамкориҳои фарҳангӣ, ройзаниҳои бештаре дошта бошанд то заминаи ошноии бештари миллатҳои ду кишвар фароҳам шавад.
Тақвияти иштирокоти фарҳангӣ миёни Эрон ва Русия
Павел Краснов-нависандаи рус низ дар ин нишаст алоқаманди донишҷуён эронӣ ба ёдгирии забон ва фарҳанги русиро сутуд.
Ин нависандаи рус бо ёдоварии иштирокоти фарҳангии ду кишвар тақвияти ҳамкориҳои фарҳангиро зарурӣ донист.
алоқаи русҳо ба шоирони эронӣ
Сергий Носов-дигар нависандаи рус низ дар ин нишаст бо ишора ба маъруф ва маҳбуб будани ҳаким Абулқосим Фирдавсӣ ва Умари Хайём-2 шоири номдори эронӣ дар Русия гуфт: Хайём, шоири эронӣ дар ҳадди як шоири миллӣ дар Русия байни мардум маҳбуб аст.
Вай бо ишора ба истифодаи мардуми Русия аз ашъори Хайём дар муколимоти рӯзмарра, афзуд, Тарҷумаҳои хуби шеърҳо ва осори ин шоир ба забони русӣ, Хайёмро ба бахше аз фарҳанг ва адабиёти Русия табдил кардааст.
Ҳамгароии бештари мардуми Эрон ва Русия бо тарҷумаи осори адабии ду кишвар
Евгений Каримчухов-дигар нависанда ва шоири рус низ дар ин нишаст, хотирнишон кард, тарҷумаи осори адабии форси ба русӣ ва тарҷумаи осори адабии русӣ ба форсӣ метавонад ғанои фарҳангии ду кишварро афзоиш диҳад ва қалбҳои мардуми моро ба якдигар, беш аз гузашта наздиктар кунад.
Алоқамандии эрониён ба забон ва фарҳанг русӣ
Дар ин нишаст, Ризо Хушлаҳҷаи Яздӣ аз хабарнигорони пешкисват ва мудири кулли ахбори хориҷии ИРНА ҳам мардуми Эронро алоқаманд ба ошноӣ бо забон ва фарҳанги русӣ донист. Ин фаъоли фарҳангӣ ва расонаӣ бо баёни инки тавсеаи равобити фарҳангӣ, заминасози тақвияти равобити сиёсӣ ва иқтисодии Эрон ва Русия аст, баргузории намоишгоҳҳои муштарак ва тарҷумаи осор ва матнҳои нависандагони ду кишварро дар тақвияти ин равобит таъсиргузор хонд.
342/
