ABNA24: Эрон ва Афғонистон ду кишвари ҳамсоя ҳастанд. Ин пайвастагӣ равобити ду кишварро аз аҳаммияти музоаф бархӯрдор кардааст. Аз нигоҳи Эрон, вуҷуди субот ва амният дар Афғонистон, равобити Теҳрон ва Кобулро аз истеҳкоми бештаре бархӯрдор хоҳад кард ва ҷараёни муҳоҷират, қочоқи маводи мухаддир ва ноамниҳои марзиро низ коҳиш хоҳад дод. Бар ин асос Эрон ҳамвора аз раванди сулҳ дар Афғонистон ҳимоят кардааст. Бо таваҷҷуҳ ба ин муаллафаҳо бояд гуфт, равобити Эрон ва Афғонистон дорои аҳаммияте чандваҷҳӣ аст. Воқеаҳо ва рухдодҳое чанд даҳаи ахир низ нишон дод, ки кишварҳои минтақа бо таҳдидҳои муштарак мувоҷеҳанд.
Дар воқеъ сиёсатҳои мудохилаҷӯёнаи Амрико дар минтақа ва ҳузури ишғолгарон дар Афғонистон осебҳои ҷиддӣ ба равобити минтақаӣ ворид кард. Терроризм, ноамнӣ,афзоиши чандсад баробарии тавлиди маводи мухаддир ва афзоиши паноҳҷӯён аз паёмадҳои ҳузури низомии Амрико дар Афғонистон будааст.
Ҷумҳурии Исломии Эрон, аммо ҳамвора дар сахтиҳо дар канори миллат ва давлати Афғонистон будааст. Албатта аносуре, ки мухолифи равобити дӯстона миёни ду кишваранд пайваста ба дунболи фурсат барои барҳам задани ин равобит ҳастанд. Дар ҳамин росто дар ҳафтаҳои ахир шоҳиди иттифоқоти ногуворе дар иртибот бо вуруди ғайриқонунии шуморе аз атбои Афғонистон ба Эрон будем. Ин рухдодҳо қабл аз ҳар гуна таҳқиқ ва равшан шудани илал ва авомили он,мавриди сӯиистифода қарор гирифт. Албатта фазосозиҳо тавассути душманони ду миллати Эрон ва Афғонистон заминаҳои қаблӣ дорад ва бо ҳадафи эҷоди ихтилоф ва бадбини байни ду миллат сурат мегирад. Дар ҳоли ҳозир ҳудуди 3 миллион паноҳандаи Афғонистон дар Эрон зиндагӣ мекунанд ва донишомӯзони афғон ба сурати ройгон дар Эрон таҳсил мекунанд.
Комиссариёи олии паноҳандагони СММ дар гузориши ахири худ эълом кард, Эрон пештози ироаи кумакҳо ба муҳоҷирони афғон аст.Тахсиси таърифаҳои пизишкӣ ва бимаҳои дармонӣ ва ирсоли кумакҳои ба Афғонистон дар заминаи муқобила бо вируси куруно, аз ҷумлаи хадамоти Ҷумҳурии Исломии Эрон ба мардум Афғонистон аст.
Саидҳусайн Олими Балхӣ, узири умури муҳоҷирони Афғонистон, дар бораи вазъияти паноҳҷӯёни афғонистонӣ дар Эрон, мегӯяд, вазъияти муҳоҷирон дар Эрон, беҳтар аз ҳар ҷои дигари ҷаҳон аст. Муҳоҷирони афғонистонӣ дар кишварҳои аврупоӣ ва Покистон бо мушкилоти зиёд, аз ҷумла ихроҷи дастаҷамъӣ, иҷборӣ ва дастрасӣ надоштан ба хадамоти аввалия мувоҷеҳанд, аммо муҳоҷироне, ки дар Эрон зиндагӣ мекунанд, ба ҳамаи хадамоти давлатӣ ва умумӣ, дастрасӣ доранд ва машғули кору зиндагии худ ҳастанд.
Дар заминаи иқтисодӣ низ Эрон дастрасии осони ин кишвар ба обҳои байналмилалиро аз тариқи бандари Чобаҳор фароҳам кардааст. Ҳасани Рӯҳонӣ, раиси Ҷумҳурии Исломии Эрон дар тамоси телефонии ахири Муҳаммад Ашраф Ғанӣ, раисиҷумҳури Афғонистон, бар зарурати тасреъ дар иҷрои тавофуқот ва проектҳои фимобайн аз ҷумла роҳи оҳани Хоф-Ҳирот ба унвони яке аз пружаҳои муҳимми иқтисодӣ миёни ду кишвар таъкид кард.
Бо чунин пуштивонае, сафари Ҳаниф Атмар, сарпарасти вазорати умури хориҷаи Афғонистон ва ҳайати олирутбаи сиёсӣ, иқтисодӣ ва амниятии ҳамроҳи вай ба Теҳрон фурсати муносибе аст то мақомҳои ду кишвар дар бораи мавзӯъҳои мухталиф музокира кунанд. Ин музокирот маҷмӯае аз ҳамкориҳо дар заминаҳои об ва энержӣ, иқтисод, амнияти марзӣ, масоили беҳдоштӣ ва соири ҳамкориҳои мавриди алоқаи ду кишварро шомил мешавад, ки дар тарсими чашмандози ҳамкориҳои ҷомеи ду кишвар ҳоизи аҳамият аст.
342/
