Кая Калас рӯзи душанбе пеш аз нишасти вузарои хориҷаи ин иттиҳодия дар Мадрид баён кард: Озодии асирони ҷангӣ намунае аз иқдомоте аст, ки Русия метавонад барои ҳусни ният анҷом диҳад. Ба гузориши Порс тудей ба нақл аз хабаргузории Меҳр, масъули сиёсати хориҷии Иттиҳодияи Аврупо ҳамчунин аз Амрико хост, то фишорро алайҳи Кремл барои хотимаи ҷанги сесолаи Украина эҷод кунад.
Дар ҳамин ҳол Доналд Трамп-раисҷумҳури Амрико таҳдид кард дар сурати монеътарошии Русия дар талошҳои Вашингтон барои поён додан ба ҷанги Украина, таърифаҳои 25 то 50 дарсадӣ бар харидорони нафти Русия ҷорӣ хоҳад шуд. Доналд Трамп дар гуфтугӯ бо шабакаи NBC эълом кард, ки аз Владимир Путин, раисҷумҳури Русия асабонӣ аст ва агар Маскав дар дастёбӣ ба тавофуқ барои поён додан ба ҷанги сесолаи Украина ихлол эҷод кунад, таърифаҳои ҷадиде бар нафти ин кишвар эҷод хоҳад шуд.
Ин дар ҳолест, ки Вазорати дифоъи Русия таъкид кард, ки дар 24 соати гузашта алорағми изҳороти Киев дар бораи ҳамла накардан ба таъсисоти энергӣ, нируҳои мусаллаҳи Украина ба ҳамлаҳои худ алайҳи зерсохтҳои энергии Русия идома доданд. Дар баёнияи Вазорати дифоъи Русия омадааст: «Ҳамлаҳои барқасдонаи идомадори нируҳои мусаллаҳи Украина ба таъсисоти энергии Русия нишондиҳандаи нотавонии комили режими Киев дар пойбандӣ ба ҳар гуна тааҳҳуди муртабит бо ҳаллу фасли даргирӣ дар Украина аст.»
Вазорати дифоъи Русия эълом кард, шомгоҳи якшанбе нируҳои украинӣ ба як трансформатори мутааллиқ ба шӯъбаи марказии Россет дар Брянск ҳамла карданд, ки дар натиҷаи он, таъмини барқи масрафкунандагони хонагӣ дар минтақаи Софский аз вилояти Брянск қатъ шуд.
Аз сӯи дигар Сергий Лавров-вазири хориҷаи Русия дар изҳороте бо ташбеҳ кардани Владимир Зеленский-раиси ҷумҳури Украина ба Ҳитлер гуфт: Аврупо ба думболи тӯлонӣ кардани умри режими Киев аст. Вазири хориҷаи Русия дар идома бо баёни инки онҳо мехоҳанд бо сарнайзаҳояшон Зеленскиро дар Украина бар сари қудрат ҳифз кунанд, изҳор кард: Ин иттифоқ дар замони ҷанги ҷаҳонии дувум ҳам ба вуқӯъ пайваст ва замоне, ки Адолф Ҳитлер тақрибан кулли Аврупоро фатҳ карда буд, франсавиҳо, испанияиҳо ва бахши бузурге аз кишварҳои қитъаи Аврупоро ба даст гирифтани силоҳ фаро хонд то дар канори ӯ биҷанганд.
Бо ин вуҷуд Дмитрий Песков-сухангӯи Кремл эълом кард, ки Русия ва Амрико дар ҳоли кор бар рӯйи тавофуқи сулҳи Украина ҳастанд. Песков таъкид кард, ки Москва ба ҳамкорӣ бо Вашингтон идома медиҳад ва Путин аз иртибот бо Трамп ҳимоят мекунад.
Сухангӯи Кремл гуфт: Мо ба ҳамкорӣ бо тарафи амрикоӣ идома медиҳем, аввал аз ҳама барои эҷоди равобити дуҷониба, ки дар давлати қаблии (Амрико) ба шиддат осеб дид. Мо ҳамчунин дар ҳоли кор бар рӯйи иҷрои бархе эдеяҳои марбут ба роҳи ҳали ҷанги Украина ҳастем. Ин кор дар ҳоли анҷом аст ва ин фароянд ба далели печидагии он замонбар аст.
342/
Your Comment