Нируҳои мусаллаҳи Яман дар беш аз як соли гузашта ва дар ростои ҳимоят аз мардуми мазлум ва муқтадири Ғазза, мавозеъи режими саҳюнистиро ҳадаф қарор медиҳанд ва бинобар эъломи сухангӯи нируҳои мусаллаҳи ин кишвар ҳамалоти ҳимоятии яманиҳо то барқарории оташбас ва поёни муҳосираи золимонаи борикаи Ғазза идома хоҳад дошт.
Ба гузориши Порстудей, аз сӯи дигар Амрико ба унвони ҳомии беқайду шарти ҷангафрӯзӣ ва ҷиноёти Исроил дар борикаи Ғазза аз моҳи гузашта ба манотиқи мухталифи Яман ҳамла карда, ки ин ҳамалот то кунун мӯҷиби шаҳодати даҳҳо нафар аз ғайринизомиён ва тахриби зерсохтҳои Яман шудааст.
Дар ҳамин росто, Масъуд Пизишкиён-раиси ҷумҳури исломии Эрон шомгоҳи душанбе дар гуфтугӯ бо шабакаи телевизионии Алмасира аз ҳимоятҳои Эрон аз муқовимати Яман сухан гуфт ва тасреҳ кард, ки Ҷумҳурии Исломии Эрон ҳомии тамомқадди Яман аст.
Пеш аз ин низ Аббоси Ироқчӣ-вазири умури хориҷаи Эрон дар гуфтугӯ бо шабакаи телевизионии Алмасира гуфта буд: Яманиҳои қаҳрамон бо шиддат ва рашодат аз аҳдофшон дифоъ мекунанд ва амрикоиҳо ба Яман ҳамла карданд; Зеро мушоҳида карданд, ки Санъо пирӯзӣ касб карда ва муқовимат мекунад.
Вазири умури хориҷаи Эрон бо таъкид бар инки раванди таҷовуз ба Яман, ки ба думболи шикасти иродаи миллати Яман аст ,шикаст хоҳад хӯрд, тасреҳ кард: Воқеияти мусаллам ин аст, ки имкони шикасти миллати Яман аз тариқи ҳамалот ва таҷовуз нест.
Ироқчӣ хотирнишон кард: Ин иддао, ки ҳамла ба Яман муқаддимаи таҷовуз ба хоки Эрон аст, чиз ҷадиде нест ва мо таҳдидоти аз ин даст зиёд шунидаем.
Раиси дастгоҳи дипломосии Эрон бо таъкид бар инки Теҳрон зери бори забони таҳдид нахоҳад рафт ва ба касе низ иҷоза нахоҳад дод бо забони зӯр бо Эрон сӯҳбат кунад, тасреҳ кард: Душманон аз ин таҳдидотҳояшон пушаймон хоҳанд шуд.
342/
Your Comment