Тазоҳурот дар Амрико ва Аврупо зидди Илан Маск, эҳтимоли иқдоми низомии давлати Амрико барои соҳиб шудан ба Гренландия, ихроҷи як пизишк дар Амрико ба далели ҳимоят аз Фаластин ва интиқоди қонунгузори амрикоӣ аз давлати Трамп дар тарсондан ва саркӯби донишҷуён гузидае аз охирин ахбори Амрико аст, ки дар ин бастаи хабарӣ аз Порс тудей мехонед:
Мӯътаризон дар Амрико ва Аврупо алайҳи Илан Маск тазоҳурот карданд
Мӯътаризон ба ихтиёроти густурдаи Илан Маск-миллиардери амрикоӣ дар давлати Амрико ва иқдомоташ барои ихроҷи коркунони ниҳодҳои давлати федерал, рӯзи шанбе дар саросари Амрико, Канада ва бархе шаҳрҳои Аврупо дар муқобили намоишгоҳҳо ва бунгоҳҳои муомилоти худравҳои ширкати Тесла, ки мутааллиқ ба Илан Маск аст, тазоҳурот карданд.
Рӯйи банерҳои тазоҳуркунандагон навишта шуда буд: "Маск пули моро медуздад" ва "Кишвари моро пас бигиред." бархе мӯътаризон ҳам таътилии идораи коромадии давлати Амрикоро, ки тавассути Маск идора мешавад, хостор шуданд. Маск ахиран дар ростои коҳиши хароҷотҳои давлати Амрико, мавҷе аз ихроҷи коркунони давлатро ба роҳ андохтааст.
Тирандозӣ дар Амрико бо 2 кушта ва 4 захмӣ
Мақомҳои Амрико рӯзи шанбе эълом карданд, ки тирандозӣ дар як меҳмонӣ дар шаҳри "Такома"-и иёлати Вашингтон, 2 кушта ва 4 захмӣ барҷо гузоштааст. Қурбониён байни 16 то 21 сол син доранд. Полис дар иттилоияе эълом кард, хонаҳо ва худравҳои атрофи маҳалли тирандозӣ осеб дидаанд. Як мард дар ин иртибот боздошт шудааст. Созмони архиви хушунатҳои мусаллаҳона (gva) пештар эълом карда буд, дар соли 2023 беш аз 42 ҳазор нафар дар Амрико бо силоҳҳои гарм ва сард кушта шуданд.
Эҳтимоли иқдоми низомии давлати Амрико барои соҳиб шудан ба Гренландия
Доналд Трамп-раисҷумҳури Амрико . дар мусоҳибае бо шабакаи NBC, ки бомдодb якшанбе пахш шуд, зимни ибрози итминони сададрсдӣ дар бораи замима шудани ҷазираи Гренландия ба Амрико, эҳтимоли иқдоми низомӣ барои анҷоми онро рад накард. Трамп гуфт: Имкони зиёде вуҷуд дорад, ки Гренландияро бидуни истифода аз нируи низомӣ дошта бошем, аммо ҳеҷ иқдомеро дар ростои тасоҳуби ин ҷазира рад намекунам ва ҳеҷ гузинаеро аз рӯйи миз барнамедорам. Мақомҳои Дания ва Гренландия ҳамвора бо радди иддаоҳои мақомот Амрико эълом кардаанд, ки ҷазираи Гренландия фурӯшӣ нест ва амрикоӣ нахоҳад шуд.
Ихроҷи як пизишк дар Амрико ба далели интишори шарҳҳои зиддисаҳюнистӣ
Доктор Лайло Аббосӣ-пизишки бемористони "Моунт Сино" –и шаҳри Нию-Йорки Амрико ба далели интишори шарҳҳо алайҳи артиши режими саҳюнистӣ ва интиқод аз куштори навзодон тавассути ин режим, аз маҳалли кори худ ихроҷ шуд. Рӯзномаи Нию-Йорк пост рӯзи шанбе ба нақл аз сухангӯи ин бемористон навишт, ин пизишк ба далели интишори паёмҳо дар ҳимоят аз Ҳамос ва Ҳизбуллоҳи Лубнон дар фазои маҷозӣ, аввалҳои моҳи март ихроҷ шудааст. Аббосӣ дар ин паёмҳо навишта буд: "Зинда бод Ҳамос ва Ҳизбуллоҳ". Вай ҳамчунин артиши Исроилро "тоъун" номида ва ин режимро ба "куштори кӯдакон" муттаҳам карда буд.
Қонунгузори амрикоӣ: Давлати Трамп бо тарсондани донишҷуён дар пайи саркӯби эътирозот аст
Аянна Суини Пресли-узви Маҷлиси намояндагони Амрико рӯзи шанбе дар баёнияе дар шабакаи иҷтимоии Х, аз боздошти Рӯмисо Озтурк-донишҷуи ҳомии Фаластин дар шаҳри Самруэл (иёлати Масачуссети Амрико) ба шиддат интиқод ва давлат «дунолд таромп» раис ҷумҳури ин кишварро ба ироб донишҷуён ва саркӯб эътирозот муттаҳам кард. Дар ин баёния омадааст: "«Озтурк» дар ҳоли рафтан барои ифтор буд, ки афсарони либосишахсӣ ӯро иҳота карданд, телефонашро гирифтанд ва ба вай дастбанд заданд. Ў доруҳои асмаашро ҳамроҳаш надорад, ки ин поймолсозии ҳуқуқи башар аст. Ин намояндаи демократ гуфт: Давлати Трамп барои саркӯби эътирозот, донишҷуёнро метарсонад, ин коре аст, ки як диктатор анҷом медиҳад. Ин ҳамла ба аркони аслии демокросии мост. Гуфтнӣ аст, рӯзи чаҳоршанбе садҳо нафар дар иёлати Масачуссет, зидди боздошти ин донишҷу тазоҳурот карданд ва озодии фаврии ӯро хостор шуданд.
Your Comment