Паёми табрикии раисиҷумҳури Эрон ба муносибати оғози соли нави мелодӣ, мутолибаи фаъолон аз давлатҳои Аргентина ва Чилӣ барои боздошти низомии саҳюнист, баррасии раванди бозгашти хонаводаҳои диишӣ аз Сурия тавассути Индонезия, ҳазфи бозикунони исроилӣ аз мусобиқоти ҷаҳонии бовлинг ва ҳак шудани Вазорати хазонадории Амрико, гузидае аз охирин таҳаввулоти ҷаҳон аст, ки дар ин гузориш аз Порс-Тудей мехонед.
Амрикои Лотин| Боздошти низомии саҳюнист - мутолибаи фаъолон аз давлатҳои Аргентинаву Чили
Додситонҳои маҳаллӣ дар ҳамкорӣ бо Бунёди Ҳинд Раҷаби Белгия, шикояти худро дар 24 декабр дар Аргентина ва рӯзи баъд дар Чили танзим карданду боздошти низомии саҳюнист Сор Ҳиршурнро хостор шуданд. Ҳиршурн, ки уви гурдони 749 –и муҳандисии размии артиши Исроил мебошад, муттаҳам ба ҷиноёти ҷангӣ дар Ғазза аст.
Осиё| Баррасии раванди бозгашти хонаводаҳои диишӣ аз Сурия тавассути Индонезия
Давлати Индонезия пас аз чаҳор сол таъхир дар бозгардондани хонаводаҳои ҷудошуда аз ДИИШ, дар ҳоли баррасии раванди азсаргирии бозгашти ин шаҳрвандони худ аз урдӯгоҳҳои «Алҳавл» ва «Руж»-и Сурия аст. Тахмин зада мешавад, ки наздик ба 529 индонезиёӣ дар ин ду урдӯгоҳ зиндагӣ мекунанд, ки бештари онон занону кӯдакон ҳастанд.
Эрон| Паёми табрикии раисиҷумҳури Эрон ба муносибати оғози соли нави мелодӣ
Раиси Ҷумҳурии исломии Эрон дар паёмҳое ба сарону мардуми кишварҳое, ки мелоди ҳазрати Исо (а) ва соли нави мелодиро ҷашн мегиранд, ин мелоди фархундаву соли 2025-ро табрик гуфт. Масъуди Пизишкиён, раиси Ҷумҳурии исломии Эрон бо баёни инки ҳазрати Исои Масеҳ (а) паёмбари нуру раҳмат ва мелоди ӯ гиромидошти сулҳу ахлоқ дар ҷавомеи башарӣ ва омӯзаҳои ӯ ҳамонанди ҳамаи паёмбарони илоҳӣ роҳи ҳалли бартараф кардани беадолатиҳост, изҳори умедворӣ кард, ки дар остонаи соли нави мелодӣ ва ба баракати ин мелоди бузург, шоҳиди решакан шудани зулм, хушунат, ҷангу наслкушӣ ва барқарории сулҳу оромиш дар ҷаҳон бошем.
Аврупо| Ҳазфи бозикунони исроилӣ аз мусобиқоти ҷаҳонии бовлинг
Дар пайи фишорҳои густардаи ҳомиёни зиддиҷиноятгарӣ, бозикунони исроилӣ аз ҳузур дар мусобиқоти ҷаҳонии бовлинги рӯи чаман дар Норфолки Англия бозмонданд. Ин бозикунон ба номҳои Амнун Аммор, Ийтой Регби ва Даниел Алуним қарор буд дар мусобиқоте, ки дар январи 2025 баргузор мешавад, ширкат кунанд, аммо ҳайатмудираи тӯри ҷаҳонии бовлинги WBT дар сояи эътирози гуруҳҳои мардумӣ, аз даъвати ин бозикунон мунсариф шуд.
Амрикои Шимолӣ| Ҳак шудани Вазорати хазонадории Амрико
Хабаргузории Фаронса аз ҳамлаи сойберӣ ба Вазорати хазонадории Амрико хабар дод. Иддао шуда, маншаи ин ҳамлаи сойберӣ Чин будааст.
Фаластини ишғолӣ| Камини муваффақи неруҳои муқовимат алайҳи низомиёни саҳюнист дар шимоли Ғазза
Муборизони фаластинӣ ба сӯи гуруҳе аз низомиёни саҳюнист дар Байти Ҳонун оташ кушоданд ва як низомии ишғолгарро дар яке аз сохтмонҳо захмӣ карданд. Пас аз ҳузури гуруҳе дигар аз низомиёни душман барои кумак ба низомии захмишуда, неруҳои муқовимат ду мушаки зиддизиреҳ ба сӯи онҳо шиллик карданд. Ҳамзамон бо шиллики ин ду мушак, муборизони фаластинӣ иқдом ба шиллики густарда ба сӯи низомиёни режими саҳюнистӣ карданд, ки дар ин ҳодиса як низомии мутаҷовиз кушта ва 9 нафари дигар захмӣ шуданд.
Аврупо| Илон Маск қасди мудохила дар интихоботи Олмонро дорад
Давлати Олмон молики шабакаи “Х”-ро ба талош барои таъсиргузорӣ дар интихоботи ояндаи ин кишвар муттаҳам кард. Давлати Берлин эълом кард, ки Илон Маск, миллиардери амрикоӣ бо навиштани мақолае дар ҳимоят аз ҳизби рости ифротии Алтернатива барои Олмон (AfD), қасд дорад дар интихоботи зудҳангоми моҳи феврал таъсир бигузорад.
Африқо| Тамомияти арзии Сурия барои Алҷазоир муҳим аст
Аҳмад Аттоф, вазири хориҷаи Алҷазоир гуфт, мавзеи Алҷазоир дар парвандаи Сурия бар асли тамомияти арзӣ ва роҳи ҳалли фарогир бо мушорикати ҳамаи мардуми Сурия устувор аст.
