ABNA24 : Ба гузориши радиои тоҷикии Садои Хуросон , 700 нафар аз устодони донишгоҳҳои Эрон дар номае ба устодону соҳибназарони донишгоҳӣ дар Аврупо бо ибрози таассуф аз иҳонати нашрияи фаронсавии « Шарлии Эбдо» ба Паёмбари ислом ( с ) эълом карданд : қарнҳо пеш аз он ки «озодӣ », « озодии андеша » ва « озодии баён » дар ҷавомеи ғарбӣ , арзишу эътибор ёбад , дини ислом ва шахси Расули Аъзам ( с ) аз ҷониби парвардгор ривояте осмонӣ, инсонӣ аз озодӣ ироа кард ва ин гавҳарро ба армуғон овард .
Устодони донишгоҳҳои Эрон афзудаанд : бояд миёни « озодӣ », «гуфтугӯ », « табодули назар «наққодӣ » ва « андешаварзӣ » аз як сӯ ва « ҳатокӣ », «иҳонат », « тахриб », « тамасхур »ва «пардадарӣ » аз сӯи дигар , тафовут ниҳод ва ҳар он чӣ ки гуфта ё навишта мешавад , ба пои озодӣ нанавишт ва беш аз ин ба озодӣ , « зулм » раво надошт .
Дар идомаи ин нома омадааст : ислом ва мусулмонон , сари « ситез », « ҷанг »ва « низоъ » бо мардумони ҷаҳон ва ғарб надоранд ва содиқонаю самимона муътақид ба « ҳамзистии мусолиматомезу инсонӣ » бо онҳо ҳастанд, аммо он чӣ, ки дар миёни мардумони ғарбӣ аз ислом нишон дода мешавад , « бознамоӣҳои саҳюнистӣ ва голивудӣ аз ислом » аст, ки бо ҳақиқат , нисбати « воруна » дорад .
Устодони донишгоҳҳои Эрон дар ин нома аз соҳибназарони аврупоӣ хостаанд дар маъракаи ин тероризми фарҳангӣ , зимни шикастани сукути худ ба саҳна биёянд ва «дурӯғгӯӣ »,« ворунанамоӣ » ва « таҳрифгарӣ » ниҳодина шуда дар ғарбро, ки аз нақшаҳои ҷангафрӯзонаи саҳюнистҳо ва ҳамкорони ифротӣ ва ҷангталаби амрикоиашон аст нақш бар об кунанд .
Нашрияи фаронсавии " Шарли Эбдо " Charlie Hebdo ахиран дар густохии ҷадиде карикатурҳои ҷанҷолии таҳқиромез дар бораи Паёмбари гиромии ислом ( с )-ро бознашр кард .
342/
