Ба гузориши хабаргузории байналмилалии Аҳли Байт (а) – Абно – раиси ҷумҳури Миср дар суханронӣ ба муносибати чилу сеюмин солрӯзи озодсозии минтақаи Сино гуфт, Миср чун садди мустаҳкаме дар баробари талошҳо барои ҳазфи Армони Фаластин истодааст.
Ба гузориши Скай Нюз Арабӣ, Абдулфаттоҳ ал-Сисӣ гуфт: Аз ҳамон лаҳзаи нахуст, Миср ба таври ошкор хостори оташбас, озодии асирон ва боздоштшудагон ва ирсоли кумакҳои кофӣ ба Ғазза шуд ва ба таври қотеъ бо ҳаргуна талош барои кӯчонидани фаластиниҳо мухолифат кард.
Вай афзуд: Бозсозии Навори Ғазза бояд мувофиқи нақшаи арабӣ-исломӣ ва бидуни ҳеҷ навъ кӯчонидани сокинони он иҷро шавад.
Ал-Сисӣ гуфт: Боз ҳам таъкид мекунем, ки сулҳи одилона ва фарогир ҷуз бо барпоии кишвари мустақили Фаластин мувофиқи тасвиботи байналмилалӣ, таҳаққуқ нахоҳад пайдо кард.
Раиси ҷумҳури Миср қайд кард: Сулҳи одилона интихобест, ки бояд ҳама ба дунболи он бошанд ва мо чашм ба ҷомеаи байналмилалӣ ва дар раъси он Амрико ва раиси ҷумҳури он Доналд Трамп дӯхтаем, то нақшеро, ки дар ин замина аз онҳо интизор меравад, ифо кунанд.
342/
Your Comment