Дар тӯли наслкушии Исроил алайҳи мардуми Фаластин, Британия дар канори дигар кишварҳои ғарбӣ, аз ҷумла Амрикову Олмон дар ирсоли силоҳ ба ин режим собитқадам будааст. Лондон иҷоза додааст то аз пойгоҳи неруи ҳавоии салтанатии Британия барои анҷоми парвозҳои шиносоӣ ба манзури кумак ба Исроил дар ҳадафгирии нуқоти мухталифи Ғазза истифода шавад ва шаҳрвандони британияӣ ба унвони сарбоз дар наслкушии Ғазза ширкат кунанд.
Ба гузориши Порс-Тудей, ба нақл аз “Миддел Ист Ой”, Kemi Badenoch, раҳбари ҳизби муҳофизакори Британия эътироф кард: Исроил дар Ғазза ба намояндагӣ аз Британия дар ҳоли ҷанги ниёбатӣ аст.
Ба гуфтаи ин зани сиёсатмадори британияӣ, Англия ва дигар кишварҳои ғарбӣ на танҳо аз Исроил дар муқобила бо ҷунбиши муқовимати исломии Фаластин (Ҳамос) ҳимоят, балки ин ҷангро ҳидояту мудирият низ мекунанд. Зеро онҳо идомаи ҳамалоти Исроил алайҳи Фаластинро барои манофеи миллии худ ҳаётӣ медонанд.
Вай ҳамчунин афзуд, Исроил ба намояндагӣ аз Британия дар ҳоли ҷанги ниёбатӣ аст, ҳамон тавр, ки Украина ба намояндагӣ аз Аврупои Ғарбӣ алайҳи Русия меҷангад.
Ба гуфтаи Badenoch, таҳдиди зимнии Истормер, нахуствазири Англия барои маҳдуд кардани ҳамдастии фаъоли Британия дар наслкушии мардуми Ғазза аз тариқи қаҳтии амдӣ, мумкин аст ба манофеи миллии ин кишвар осеб бизанад.
Вай муътақид аст, ки ҷанги Исроил дар Ғазза асосан дар ҷиҳати нобудии Ҳамос ё озодии гаравгонҳо нест, балки дар ростои мусаллаҳ кардани Исроил барои тазъифи кишварҳое монанди Эрон ва муттаҳидонаш аст, ки ҳозир ба таслим дар баробари султаи давлатҳои ғарбӣ бар Ғарби Осиё нестанд ва ин стратегия дақиқан монанди ончӣ аст, ки дар робита бо ҷанги Украина рӯй медиҳад: истифода аз кишварҳои дастнишонда барои маҳори руқабои геополитикии Ғарб.
Дар ҳамин робита Стефан Пулорд, сардабири собиқи ҳафтаномаи “The Jewish Chronicle”, ки ҳафтаномаи мунтасаб ба яҳудиёни Англия аст, низ муътақид аст, ки Исроил барои эъмоли қудрати кишварҳои ғарбӣ дар Ғарби Осиёи нафтхез, ҳамон нақшеро дорад, ки беш аз як қарн пеш Британия барои он барномарезӣ кард.
Аз сӯи дигар, Ҷереми Курбин, намояндаи порлумони Англия низ гуфт, аз ин ки мебинам қудратҳои ҷаҳонӣ, аз ҷумла Британия ҳамчунон барои Исроил силоҳ таъмин мекунанд, он ҳам вақте комилан мутталеанд, ки Исроил дорад қавонини байналмилалиро бо бомбаборони ғайринизомиён дар Ғазза нақз мекунад, аз ин рӯйкарди онҳо мутанаффирам.
Курбин афзуд: Ҳаргиз фикр намекардам, ки ба ҷое бирасем, ки мардум дар хиёбонҳои шаҳрҳои аврупоӣ сирфан ба хотири дар даст доштани парчами Фаластин, ки Созмони Милал онро ба расмият шинохта, дастгир бишаванд! Ҳаргиз бовар намекардам ба ин дараҷа аз таваҳҳум бирасем, он ҳам сирфан ба хотири инки иддае аз ҳуқуқи мардуми Фаластин дифоъ кунанд!
Ба тозагӣ беш аз 300 шахсияти англис дар номае хитоб ба Стормер, нахуствазири ин кишвар, хостори поён додан ба ҳамдастии Лондон дар ҷиноёти режими саҳюнистӣ дар навори Ғазза шуданд.
Your Comment