Сиёсатҳои Доналд Трамп, раисиҷумҳури Амрико тайи ҳафтаҳои гузашта дар эъмоли тарофаҳои тиҷорӣ ва бархӯрди радикол ҳатто бо муттаҳидонаш, вокуниши шадиди бисёре аз кишварҳоро барангехтааст ва бисёре эътиқод доранд, ки Амрико дигар барои муттаҳидонаш кишваре қобили эътимод нест. Амрико дар ҷараёни ҷанги зидди Ироқ низ ба вузӯҳ нишон дод, ки барои ҳифзи манофеи худ ҳозир аст ба кишварҳои дигар лашкаркашӣ кунад ва ҳоло ин манофе дар эъмоли тарофаҳои тиҷорӣ таҷаллӣ ёфтааст.
Ба гузориши Порс Тудей ба нақл аз ИРНА, Томас Пикетти, устоди Донишкадаи иқтисоди Порис тайи ёддоште дар рӯзномаи "Le Monde" ба сиёсатҳои Трамп ишора ва эътиқод дорад, ки Амрико феълан таҳти сиёсати Трампу тарафдоронаш қасд дорад бо эъмоли тарофаҳо, ки аз он ба унвони боҷи амрикоӣ ёд мекунад, бо пардохти хароҷ аз соири нуқоти ҷаҳон, иқтисоди худро ҳифз кунад то касрии буҷаи бениҳояти Амрико ҷуброн шавад, вале тромпистҳо аз ин масъала иттилоъ надоранд, ки қудрати Амрико коҳиш ёфта ва ҳатто Чин дар соли 2016 дорои тавлиди нохолиси бештаре аз ин кишвар буд.
Ба гуфтаи вай, Амрико дар ҳоли таҷрибаи коҳиши қобили таваҷҷӯҳе дар нуфузи ҷаҳонии худ, ҳам аз назари иқтисодӣ ва ҳам аз лиҳози сиёсӣ аст. Ӯ эътиқод дорад, ки ин тағйири сирфан ба далели рӯйдодҳои ахир нест, балки нуқтаи авҷи масоили тӯлонимуддат аст, аз ҷумла мудохилоти низомӣ монанди ҷанги Ироқ, ки мунҷар ба талафоти ҷонӣ ва бесуботии минтақаӣ шуд.
Вай таъкид кард, ки буҳрони кунунӣ ҳастаи аслии қудрати иқтисодӣ, молӣ ва сиёсии Амрикоро ба чолиш мекашад. Ҷиддитар аз он, анбошти касрии тиҷорӣ, бадиҳии хориҷии давлатӣ ва хусӯсии Амрико аст, ки то соли 2025 ба рақаме ҳудӯди 70 дарсади тавлиди нохолиси ин кишвар расидааст.
Афзоиши нархи баҳра метавонад Амрикоро маҷбур ба пардохти ҷараёнҳои суди қобили таваҷҷӯҳе ба соири нуқоти ҷаҳон кунад, чизе, ки токунӯн ба лутфи тасаллут бар системаи молии ҷаҳонӣ аз он фирор карда буд. Дар воқеъ Трамп мехоҳад бо тасарруфи маводи маъдании Украина, Гренландия ва Панама, хазонаи кишварашро дубора пур кунад, вале Трамп асосан чизе беш аз як раҳбари истиъмории хунсо шуда нест, чун дигар мисли қабл қудрати иқтисодии лозим дар муқобили дигар кишварҳоро надорад. Иқтисоддони фаронсавӣ дар идомаи ёддошти худ ба қудратҳои иқтисодии навзуҳӯри дигаре дар ҷаҳон мисли гуруҳи БРИКС ва кишварҳои ҷаҳони ҷануб ишора мекунад, ки Амрико наметавонад дар муқобили ин кишварҳо ҳарфи худро ба курсӣ бинишонад.
342/
Your Comment