Ба гузориши хабаргузории Абно, Абдулборӣ Атван, таҳлилгари масоили роҳбурдӣ дар минтақа, дар мақолаи ҷадиди худ дар вебгоҳи интернетии "Раъй-ал-Йавм" навишт, ки дар тӯли 19 моҳи ахир дар мавриди тарҳҳои Амрико барои оташбас дар Ғазза бисёр шунидаем, ки ҳеҷ кадоме аз онҳо иҷро нашуда ва бо мухолифати нисбӣ ё майдонии режими саҳюнистӣ ва Бинямин Нетаняҳу, саркардаи ин режим, мувоҷеҳ шудааст.
Амрикоиҳо бо тағйири ҳукуматҳои худ, фиристодагони худро тағйир додаанд, аммо он чизе, ки тағйир накардааст, густариши доираи наслкушӣ дар Ғазза ва аҳдофи Нетаняҳу барои аз байн бурдани кӯдакон ва хонаводаҳои Ғазза ва маҷбур кардани онҳо ба тахлияи комили ин минтақа ва муҳоҷират ба Сино аст. Танҳо дирӯз дар Ғазза беш аз 60 кӯдак дар натиҷаи ҷиноёти режими саҳюнистӣ ба шаҳодат расиданд.
Стив Виткофф, фиристодаи Амрико дар минтақа, мардуми Ғазза ва гурӯҳҳои муқовимат ва тамоми ҷаҳонро фиреб медиҳад ва иддао дорад, ки бо шароити ҷадид, имкони расидан ба оташбас вуҷуд дорад. Гуфта шудааст, ки Ҳамос озодии 10 асири зиндаи саҳюнист ва таҳвили ҷасади 18 асири кушташударо дар ивази оташбаси думоҳа ва ақибнишинии нерӯҳои саҳюнистӣ аз Ғазза пазируфтааст.
Атван бо ишора ба ин ки мулоҳизаҳое дар мавриди ин навъи оташбас дорад, таъкид кард, ки ин мулоҳизаҳо ба маънои мухолифат бо оташбас нест, балки ба ин далел аст, ки ба мардуми Ғазза нисбат ба фиреби ҷадид ва бузурге, ки пеши рӯи онҳо қарор дорад, ҳушдор диҳад.
Ин мақола меафзояд, ки Виткофф шароити ҷадидеро матраҳ накардааст ва пеш аз ин низ оташбас бо ҳузури Амрико бо ҳамин шароит анҷом шуд, аммо танҳо марҳилаи аввали он ба иҷро даромад ва асирони саҳюнист озод шуданд ва баъд аз озодии онҳо, Тел-Авив аз тамоми тааҳҳудоти худ шуна холӣ карда ва ба наслкушӣ дар Ғазза бо шиддати бештар ва ҳамроҳ бо ҷанги гуруснагӣ алайҳи онҳо ва таваққуфи комили кумакҳои башардӯстона идома дод.
Атван меафзояд, ки агар Виткоффи саҳюнист ва президенти Амрико воқеан дар пайи оташбас ва ҳифзи ҷони кӯдакони Ғазза буданд, чаро дар баробари наслкушии рӯзафзуни миллати Фаластин, ки рӯзона беш аз 100 нафар аз онҳо ба шаҳодат мерасанд, сукут кардаанд? Шаҳодати 9 фарзанди Алоъи Наҷҷор, пизишки зани фаластинӣ, дар манзили фақиронаашон дар шаҳри Хон-Юнус дар натиҷаи ҳамлаҳои мушакии режими саҳюнистӣ танҳо яке аз далелҳои ин наслкушӣ аст. Инҳо ҳамонҳоянд, ки ба куштари кӯдакон ифтихор мекунанд ва онро як тафриҳ барои худ медонанд.
Ба навиштаи Атван, Виткофф ҳатто як қурс нон барои рафъи гуруснагии мардуми Ғазза ба онҳо надодааст ва танҳо муқовиматро фиреб дода ва тавониста Александр Айдан, саҳюнисти амрикоиро низ озод кунад. Ӯ ҳатто як дору барои муолиҷаи маҷрӯҳони 5 бемористони нимкора монда дар Ғазза, ки баъд аз тахриби беш аз 30 бемористон аз сӯи ишғолгарон ба сурати нимкора ба кори худ идома медиҳад, надодааст.
Атван тарҳи кунуниро низ як маводи мухаддири ҷадид монанди мавориди гузашта барои замон додан ба Нетаняҳу донист, ки ҳаргиз дар пайи таваққуфи ҷанг нест ва мехоҳад фурсати бештаре барои истимрори наслкушии мардуми Ғазза ва бозгардондани тадриҷии асирони саҳюнистӣ дошта бошад ва дар айни ҳол ба куштор ва гурусна нигоҳ доштани мардум идома диҳад, то битавонад гурӯҳҳои муқовиматро халъи силоҳ карда ва Ғаззаро бори дигар ишғол кунад ва сокинони онро бо зӯр аз онҷо берун кунад.
Ҳайати амрикоӣ-саҳюнистӣ, ки бо қудрати сарнизаи худ масъули тақсими андак кумакҳои расида ба Ғазза шудаанд, дар пайи иҷрои тавтиаҳои амрикоӣ-саҳюнистӣ ҷиҳати тахлияи Ғазза ҳастанд ва тамоми омилони онҳо ҷосусони Амрико ва режими саҳюнистӣ ҳастанд ва мардуми Ғазза чӣ кори хубе карданд, ки кумакҳои онҳоро напазируфтанд ва онҳоро маҷбур ба фирор карданд. Ин нишондиҳандаи огоҳӣ ва пойдорӣ ва ҷонфишонии мардуми Ғазза аст, ки бештари тарҳҳои Нетаняҳуро бо шикаст мувоҷеҳ карда ва эътибори режими нажодпараст ва натсистӣ саҳюнистиро аз байн бурдааст.
Атван дар поёни мақолаи худ таъкид кард, ки тарҳи масмуми Виткофф барои оташбас иттифоқ нахоҳад афтод ва агар иттифоқ биафтад, монанди мавриди гузашта тӯлонӣ муддат нахоҳад буд ва талоше фиребкорона барои таваққуфи мушакҳои баллистикӣ ва паҳподҳои Яманӣ аст, ки Тел-Авив ва фурудгоҳи онро мушакборон мекунад ва тақрибан ҳар шаб миллионҳо саҳюнистро ба паноҳгоҳ мекашад. Давлати Амрико дар баробари иқдоми режими саҳюнистӣ барои беш аз 3500 бор нақзи тавофуқи оташбас дар Лубнон чӣ кори мусбате анҷом додааст? Ин дар ҳоле аст, ки бештари манотиқи марзии Лубнон дар ишғоли саҳюнистҳо қарор гирифта ва ҷангандаҳои режими саҳюнистӣ бо вуҷуди оташбас ва тааҳҳуди комили Ҳизбуллоҳ ба оташбас, ҳаргиз аз террори раҳбарони Ҳизбуллоҳ даст бар надоштааст.
Нуктаи ҷолиб инҷост, ки Виткофф гуфтааст, ки Доналд Трамп замонати тавофуқи ҷадид хоҳад буд. Трамп касест, ки аз кишварҳои арабӣ боҷ гирифта ва дар ду соат беш аз 5 триллион доллар пул аз онҳо ба ҷайб зада ва дар иваз ҳеҷ коре барои таваққуфи наслкушӣ дар Ғазза анҷом надода ва ҳеҷ луқмаи ноне ба кӯдакони фаластинӣ, ки ба иллати гуруснагӣ дар остонаи шаҳодат қарор доранд, таҳвил надодааст. Ҷиноёти саҳюнистҳо ва омори қурбониён ҳамчунон афзоиш пайдо мекунад ва Трамп дар айни ҳол ҳатто барои дарёфти ин пул аз кишварҳои арабӣ ташаккур ҳам накарда ва таъкид кард, ки ин пул ҳаққи онҳо ва хароҷоти ҳимоят аз кишварҳои арабӣ аст. Ҳол чӣ гуна мумкин аст, ки Трамп монеи рафторҳои Нетаняҳу шавад, дар ҳоле ки беш аз 1800 бомби бузурги 2000-тоннӣ барои аз байн бурдани боқимондаи манозили Ғазза ба саҳюнистҳо дода, то ҳазорон овораи фаластиниро зинда-зинда дар оташ сӯзонанд.
342/
Your Comment