Ба гузориши хабаргузории Абна, Ҳизом ал-Асад, узви дафтари сиёсии Ансорулоҳи Яман гуфт: идомаи муҳосираи Ғазза, гуруснагии мардуми он ва куштори мардумон ва кӯдакони он тавассути сиёсати гуруснагӣ, амнияти сафари Доналд Трамп, раисҷумҳури Амрико ба минтақа ра таъмин нахоҳад кард.
Вай афзуд: паёмадҳои муҳосираи хуфнокуи Исроилу Амрико алайҳи Навори Ғазза ба сатҳи бисёр ҷиддӣ ва хатарнок расидааст ва дар ҳоле ки қаҳтӣ бо суръати бесобиқа дар ҳоли шиддат ёфтан аст, асоситарин ниёзҳои зиндагӣ низ дар ин минтақа аз байн рафтааст.
Ал-Асад гуфт: шармоварист, ки ҷаҳон ҳамчунон шоҳиди гуруснагии кӯдакони Ғазза аст; ҳамон тавр ки мавзеъи бархе аз кишварҳо ва миллатҳои араб, ки ба таври мустақим ё ғайримустақим дар ин муҳосира ширкат мекунанд, қобили таваҷҷуҳ аст, аммо дар муқобил, коридори заминӣ барои ишғолгарон боз шудааст, то мошинҳои боркаш ҳомили ғизо ва силоҳ, ки барои куштани мардуми мо дар Ғазза истифода мешаванд, аз онҷо убур кунанд.
Узви дафтари сиёсии Ансорулоҳи Яман таъкид кард: мавзеъи Ансорулоҳ дар мавриди Ғазза қатъӣ ва устувор аст. Мо ором нахоҳем нишаст ва амалиёти низомии мо то замоне ки таҷовуз идома дорад ва муҳосира бар мардуми мо дар Ғазза таҳмил мешавад, қатъ нахоҳад шуд.
342/
Your Comment