Ба гузориши хабаргузории Аҳлибайт (а) – Абна – Раҳбари Муаззами Инқилоб дар паёми сеюми тасвирӣ бо қадрдонӣ аз иттиҳод ва иттифоқи фавқулоддаи миллати бузурги Эрон, пирӯзӣ бар режими саҳюнистӣ ва Амрикоро дар ҷанги таҳмилӣ алайҳи кишварамон табрик гуфтанд.
Матни паёми Раҳбари Инқилоб ба ин шарҳ аст:
Бисмиллоҳир Раҳмонир Раҳим
Салому дуруди фаровон ба миллати азизу бузурги Эрон. Аввалан, ёди шаҳидони гаронқадри ҳодисаҳои ахирро гиромӣ медорам; сардорони шаҳид, донишмандони шаҳид, ки ҳаққан ва инсофан арзишманд буданд барои Ҷумҳурии Исломӣ ва хидмат карданд ва имрӯз дар пешгоҳи Парвардигор, подоши хидматои барҷастаи худашонро дарёфт мекунанд, иншоаллоҳ.
Лозим медонам ба миллати бузурги Эрон табрик арз бикунам. Чанд табрик ба миллат арз мекунам:
Яке табрики пирӯзӣ бар режими ҷаълии саҳюнист. Режими саҳюнӣ бо он ҳама ҳаёҳу, бо он ҳама иддао, дар зери зарбаоти Ҷумҳурии Исломӣ тақрибан аз по даромад ва леҳ шуд. Фикри ин ки чунин зарбаоте аз сӯи Ҷумҳурии Исломӣ мумкин аст бар режим ворид бишавад, дар зеҳни онҳо ва мухаййилаи онҳо хутур намекард ва иттифоқ уфтод. Худоро сипос мегузорем, ки ба неруҳои мусаллаҳи мо кумак кард, тавонистанд аз дифои чандлаии пешрафтаи онҳо убур кунанд ва бисёре аз манотиқи шаҳрӣ ва низомии онҳоро зери фишори мушакҳои худашон ва бо таҳоҷуми қавии силоҳи пешрафтаи худашон бо хок яксон кунанд! Ин яке аз бузургтарин неъматҳои Илоҳӣ аст; ин нишондиҳандаи он аст, ки режими саҳюнистӣ бидонад, ки таарруз ба Ҷумҳурии Исломии Эрон бароишаш ҳазиназост, ҳазина барои ӯ эҷод мекунад, ҳазинаи сангнин барои ӯ ба вуҷуд меоварад ва эҷод мекунад. Ва биҳамдуллоҳ ин иттифоқ афтод; ифтихораш мутааллиқ ба неруҳои мусаллаҳ ва мардуми азизамон аст, ки ин неруҳои мусаллаҳро аз даруни худ эҷод карданд, тарбият карданд, пуштибонӣ карданд ва дасти [қавии] онҳоро барои анҷоми як чунин кори бузурге фароҳам карданд, қавӣ карданд.
Табрики дуввум марбут ба пирӯзии Эрони азизамон бар режими Амрико аст. Режими Амрико вориди ҷанги мустақим шуд, чун эҳсос кард, ки агар ворид нашавад, режими саҳюнистӣ бакуллӣ нобуд хоҳад шуд. Вориди ҷанг шуд барои ин ки ӯро наҷот бидиҳад, лекин ҳеҷ дастоварде аз ин ҷанг надошт. Ба марокизи ҳастаии мо ҳамла карданд – ки албатта ин ба таври мустақил дархӯри пайгирии ҷазоӣ дар додгоҳҳои байналмилалӣ аст – аммо натавонистанд кори муҳимме анҷом бидиҳанд. Раиси Ҷумҳури Амрико(1) дар шарҳи он чи воқеъ шуда буд, бузургнамоии ғайримутаофифе кард, маълум шуд, ки ба ин бузургнамоӣ эҳтиёҷ дорад; ҳар касе мешунид он ҳарфҳоро, мефаҳмид, ки дар зери зоҳири ин ҳарфҳо як ҳақиқати дигаре вуҷуд дорад. Коре натавонистанд анҷом бидиҳанд, ба мақсуде, ки доштанд натавонистанд бирасанд ва бузургнамоӣ мекунанд, то ҳақиқатро бипӯшонанд ва мактум нигаҳ доранд. Инҷо ҳам Ҷумҳурии Исломӣ пирӯз шуд ва мутақобилан Ҷумҳурии Исломӣ силии сахте ба гунаи Амрико навохт; ба яке аз пойгоҳҳои муҳимми Амрико дар минтақа, пойгоҳи Ал-Удейд, ҳамла кард ва хасороте ворид кард. Ҳамон касоне, ки дар он қазия бузургнамоӣ карда буданд, дар ин қазия саъй карданд кӯчакнамоӣ кунанд, бигӯянд ҳеҷ иттифоқе наяфтода, дар ҳоле ки иттифоқи бузурге афтода буд. Ин ки Ҷумҳурии Исломӣ дастрасӣ дошта бошад ба марокизи муҳимми Амрико дар минтақа ва ҳар вақт мутақозӣ донист алайҳи онҳо иқдом бикунад, ин ҳодисаи кӯчаке нест, ҳодисаи бузурге аст, дар оянда ҳам ин ҳодиса қобили такрор аст; дар сурате ки тааррузе сурат бигирад, ҳазинаи душман ва ҳазинаи мутаарриз қатъан ҳазинаи болое хоҳад буд.
Табрики севвум табрики иттиҳод ва иттифоқи фавқулоддаи миллати Эрон аст. Биҳамдуллоҳ як миллат дар ҳудуди навад миллион ҷамъият, якпорча, яксадо, шона ба шона, дар канори ҳам, бидуни ҳеҷ гуна тафовуте дар хостаҳо ва дар мақосиде, ки иброз мекунанд, истоданд, шуор доданд, ҳарф заданд, аз рафтори неруҳои мусаллаҳ ҳимоят карданд, баъд аз ин ҳам ҳамин хоҳад буд. Миллати Эрон бузургвори худшаро, шахсияти барҷаста ва мумтози худшаро нишон дод дар ин қазия ва нишон дод, ки дар ҳангоми лозим, як садо аз ин миллат шунида хоҳад шуд, ва биҳамдуллоҳ ин иттифоқ уфтод.
Нуктае, ки ман мехоҳам ба унвони як нуктаи асосии ароизам арз бикунам ин аст, ки Раиси Ҷумҳури Амрико дар яке аз баёноташ ва изҳороташ гуфт Эрон бояд таслим бишавад. «Таслим бишавад»! Баҳси ғанисозӣ дигар нест, баҳси саноати ҳастаӣ нест, баҳси таслими Эрон аст. Албатта ин ҳарф барои даҳони Раиси Ҷумҳури Амрико хеле бузург аст. Эрони боазамат, Эрони бо ин таърих, Эрони бо ин фарҳанг, Эрони бо ин азми пӯлодини миллӣ, исми «таслим» барои як чунин кишваре мояи истеҳзои касоне аст, ки миллати Эронро мешиносанд. Лекин ин изҳори ӯ як ҳақиқатеро ло дод; Амрикоиҳо аз аввали Инқилоб бо Эрони исломӣ машғули муориза ҳастанд, панҷа меафкананд, ҳар дафъае ҳам як баҳонае доранд: як бор ҳуқуқи башар аст, як бор дифоъ аз демокраси аст, як бор ҳуқуқи зан аст, як бор ғанисозӣ аст, як бор асли масъалаи ҳастаӣ аст, як бор масъалаи сохти мушак аст; баҳонаҳои гуногуне меоваранд, аммо ботини қазия як чиз бештар нест ва он «таслими Эрон» аст. Қаблиҳо намегуфтанд инро, чун ин қобили қабул нест; дар ҳеҷ мантиқи башарӣ қобили қабул нест, ки ба як миллате бигӯянд биёед таслим бишавед, лизо онро зери унвонҳои дигаре пинҳон мекарданд. Ин шахс ло дод он ҳақиқатро, нишон дод ва фаҳмонд, ки Амрикоиҳо фақат ба таслими Эрон розӣ мешаванд ва на ба камтар аз он. Ва ин як нуктаи муҳимме аст! Миллати Эрон бидонанд [иллати] муориза бо Амрико ин аст ва ин иҳони бузург ба миллати Эронро Амрикоиҳо доранд ва чунин иттифоқе ҳам ҳаргиз нахоҳад афтод; ҳаргиз нахоҳад афтод.
Миллати Эрон миллати бузурге аст, Эрон кишвари қавӣ ва паҳноваре аст, Эрон дорои тамаддуни куҳане аст; сарвати фарҳангӣ ва тамаддунии мо садҳо баробар бештар аз Амрико ва амсоли Амрико аст. Ин ки касе таваққуъ кунад, ки Эрон таслими кишвари дигаре бишавад, ин яке аз он муҳмалгӯиҳои ғалате аст, ки яқинан мояи истеҳзои афроди хирадманд ва афроди доно воқеъ хоҳад шуд. Миллати Эрон азиз аст ва азиз хоҳад буд, пирӯз аст ва пирӯз хоҳад буд ба тавфиқи Илоҳӣ. Ва умедворем Худои мутаол ин миллатро дар зери сояи алтофи худаш ҳамеша бо иззат ва шараф маҳфуз бидорад, дараҷоти Имоми бузургворро олӣ кунад ва Ҳазрати Бақиятуллоҳ (арвоҳуно фидоҳ) ро аз ин миллат, розӣ ва хушнуд кунад ва кумаки он бузургвор, пуштибони ин миллат бошад.
Вассалому алайкум ва раҳматуллоҳи ва баракотуҳу.
Your Comment