Ба гузориши хабаргузории Абна ба нақл аз Маркази иттилоърасонии Фаластин, бар асоси гузориши рӯзномаи иқтисодии Калкалист, ҷанги режими саҳюнистӣ алайҳи Ғазза то поёни соли 2024 дар маҷмӯъ 142 миллиард шекел (воҳиди пули режими саҳюнистӣ) муодили тақрибан 38.5 миллиард доллар харҷ доштааст.
Ҷузъиёти мунташиршуда дар ин гузориш нишон медиҳад, ки харҷи холиси ҷанг (бидуни ҳисоб кардани кӯмакҳои Амрико) 121.3 миллиард шекел муодили 33 миллиард доллар будааст, ки аз ин миқдор тақрибан 96.4 миллиард шекел (26.2 миллиард доллар) барои умури низомӣ ва 24.9 миллиард шекел (6.7 миллиард доллар) барои умури ғайринизомӣ сарф шудааст.
Баландтарин харҷи моҳонаи ҷанг дар декабри 2023 сабт шуд, ки дар он 17.2 миллиард шекел (4.7 миллиард доллар) танҳо дар як моҳ харҷ шудааст.
Бар асоси додаҳои расмӣ, ин ҷанг боиси афзоиши касри будҷа муодили 1.4 дарсади тавлиди нохолиси дохилӣ дар соли 2023 ва 4.8 дарсад дар соли 2024 шудааст, ки дар маҷмӯъ ба касри будҷаи 106.2 миллиард шекел, тақрибан 28.8 миллиард доллар, то поёни соли 2024 мунҷар шудааст.
Ҷанг ҳамчунин боиси коҳиши муҳими даромадҳои молиётӣ шудааст; рақаме, ки бароварди дақиқи он ҳанӯз душвор аст.
342/
Your Comment