Виктор Орбан-нахуствазири Венгрия эълом кард, ки таҳримҳои Иттиҳодияи Аврупо зидди Русия нархи энергиро афзоиш медиҳад ва рақобатпазирии Аврупоро заъиф мекунад. Ба гузориши Порстудей, намояндагони парлумони Аврупо дар ҳафтаи гузашта ба қатъномае раъй доданд, ки ҳадафи он, муқобила бо даври задани таҳримҳои Иттиҳодияи Аврупо ва гурӯҳи 7 аз сӯи Русия ва судури нафт ва гази ин кишвар аст.
Намояндагони парлумони Аврупо дар ин қатънома аз кишварҳои узв ва ниҳодҳои Иттиҳодияи Аврупо хостаанд то бо ончи ба «новгони шабаҳ»и Русия барои судури нафт ва газ маъруф шудааст, муқобила кунанд.
Истифода аз паҳпод ва моҳвора барои тақвияти назорат бар киштиҳо ва ҷаримаи киштиҳое, ки бидуни биманома дар обҳои Иттиҳодияи Аврупо тараддуд мекунанд аз ҷумлаи роҳкорҳои пешниҳодӣ дар ин қатънома аст.
Аъзои парлумони Аврупо ҳамчунин хостори мамнуъияти комили воридот ва истифода аз сӯхтҳои табии Русия аз ҷумла гази табии моеъи ин кишвар шуданд.
Эътирофи ғарбиҳо ба нокоромадии таҳримҳои Ғарб зидди Русия
Агарчи то кунун ниҳодҳои ғарбӣ барои назорати новгони соя ё ҳамон киштиҳои нафтӣ, ки ба таври асосӣ барои давр задани таҳримҳо ва назоратҳо ба кор мераванд, талошҳои зиёде кардаанд аммо ба иқрори манобеъи аврупоӣ ва амрикоӣ, ин ниҳодҳо тавфиқи чандоне дар ин замина надоштаанд.
Дар ҳамин замина хабаргузории Блумберг гузориш дод иқдомоти таҳримии зидди Русия, ба далели маҳдудитҳои назоратӣ ва ниёз ба нафти арзон дар кишварҳои воридкунандаи аслӣ монанди Чин ва Ҳинд, натиҷаҳои маҳдуде ба ҳамроҳ доштааст.
Муваффақ набудани Ғарб дар заминаи таҳрими Русия то онҷост, ки ҳатто бархе гузоришҳои ғайрирасмӣ аз вуруди кишварҳои аврупоӣ ба ҷамъи харидорони энергияи Русия хабар медиҳанд.
Юнон, Булғория ва Туркия се кишваре ҳастанд, ки ҷузъи ин харидорон ҳастанд ва албатта набояд аз ёд бурд, ки ин кишварҳо фақат ба унвони воситаи интиқоли энергия ба Иттиҳодияи Аврупо ва дигар кишварҳои ин қитъа нақш ифо мекунанд.
Бар пояи назари коршиносон, рӯйкардҳои сиёсии дар пеш гирифта шуда тавассути Иттиҳодияи Аврупо дар баробари Русия ва дигар таъминкунандагони энергия, на танҳо кумаке ба иқтисод ва зерсохтҳои энергии ин қитъа накардааст, балки сабаб шуда энергияи мавриди ниёзро бо маблағҳои зиёдтар ва ба шакли ғайрипойдор ворид кунанд.
342/
