Фарзонаи Содиқ-вазири роҳу шаҳрсозии Эрон рӯзи душанбе гуфт: Роҳандозии хатти роҳи оҳани мусофирии Эрон ва Туркманистон дар дасти баррасӣ аст, ки ба осон кардани иртиботот бо дигар кишварҳои Осиёи марказӣ кумак хоҳад кард.
Ба гузориши Порстудей ба нақл аз хабаргузории Садо ва Симо, Содиқ ҳамчунин аз тавофуқ барои баргузории Комиссияи муштараки иқтисодии Эрон ва Туркманистон дар Теҳрон тайи ду моҳи оянда хабар дод, ки боиси иҷроӣ шудани бисёре аз тавофуқот хоҳад шуд. Мавзӯъоти матраҳшуда шомили интиқоли газ, барқ, судури хадамоти фаннӣ-муҳандисӣ ва проекти ҷодаи Атрак-Гумдоқ буд.
Роҳандозии хатти тавлиди трактори эронӣ дар Ҳирот
Хабари дигар инкӣ, мавлавӣ Ҷалолуддин Ҳаққдӯст,муовини шаҳрдори Ҳирот дар маросими номгузорӣ ва рӯнамоӣ аз намоди трактор дар майдони аслии Ҳирот, изҳор кард: Насби намодини трактор, нишоне аз ваҳдат, иттиҳод, якпорчагӣ ва инсиҷом байни ду кишвари дӯст ва ҳамсояи Эрон ва Афғонистон аст.
Масъулон ва тоҷирон Афғонистон бо ирояи дархосте дар бораи роҳандозии хатти тавлиди тракторҳои эронӣ дар Ҳирот, умедворанд ин дархост мавриди истиқболи тарафи эронӣ ва масъулони тракторсозии Эрон қарор гирад. Пеш аз ин Муҳаммад Сиддиқифар,сарконсули Эрон дар Ҳироти Афғонистон гуфта буд: Тракторсозии Эрон ва намояндагии он дар Ҳирот намоде аз зарфиятҳои ҳамкории ду кишвар аст.
342/
Your Comment