Ҷангандаҳои Амрико рӯзи чаҳоршанбе ҳамлаи таҷовузкоронае ба устони Ал Ҳудайда анҷом доданд.
Ба гузориши Порс Тудей дар ин ҳамлаи махозини оби ошомиданӣ дар шаҳристони Ал Мунсурия ҳадаф қарор гирифт. Шабакаи Ал Масираи Яман эълом кард, ки ин махозин оби ҳашт рӯсторо таъмин мекард ва дар ҳоли ҳозир дигар қодир ба хадамотрасонӣ ба ин рӯстоҳо бо ҳудӯди 50 ҳазор сакана нест.
Эъмоли таҳримҳои ҷадиди Амрико зидди Яман
Вазорати хазонадории Амрико рӯзи гузашта (чаҳоршанбе) ва ҳамзамон бо ташдиди ҳамалоти Амрико ба Яман, аз эъмоли таҳримҳои ҷадид алайҳи як шабакаи молӣ, ки бо Саид Ал Ҷамл, масъули молии Ансоруллоҳи Яман ҳамкорӣ мекард, хабар дод. Бар асоси иддаои хазонадории Иёлоти муттаҳида, ин шабака, колоҳои ҳассосу таслеҳоти низомӣ ба арзиши даҳҳо миллион доллар аз Русия таҳия карда буд.
Таҷзияи Ғазза, таваҳҳуми ҷадиди Натаняҳу
Бинямин Натаняҳу, нахуствазири режими саҳюнистӣ дишаб (чаҳоршанбе) бо эъломи инки амалиёти низомии ин режим дар Борикаи Ғазза ташдид хоҳад шуд, аз пешравии неруҳои ишғолгар дар меҳвари Мораг (минтақаи Тел Ал Султон) хабар дод ва гуфт, ки ин масир ба унвони «меҳвари Филаделфияи дувум» таҳти кантрол хоҳад буд ва ин иқдомот бахше аз барномаи куллӣ барои таҷзияи Борикаи Ғазза аст.
Дархости Ҳамос аз ҷаҳони ислом барои наҷоти Ғазза
Ҷунбиши муқовимати исломии Фаластин (Ҳамос) рӯзи чаҳоршанбе дар баёнияе бо ишора ба талоши Исроил барои нобудии комили зерсохтҳо ва марокизи хадамотии Ғазза эълом кард: Гуруснагӣ ба як силоҳи мустақим дар ҷанги ваҳшиёна табдил шудааст. Зарурист, умматҳои арабӣ ва исломӣ барои наҷоти Ғазза талош кунад. Ҳамос ин дархостро пас аз он матраҳ кард, ки кори нонвоиҳо дар пайи камбуди сӯхт ва маводи ғизои ношӣ аз баста шудани гузаргоҳҳо тавассути режими саҳюнистӣ ва мамониат аз вуруди кумакҳо ба ин минтақа, мутаваққиф шуд.
Афзоиши омори шуҳадои Ғазза
Вазорати беҳдошти Фаластин рӯзи чаҳоршанбе эълом кард: Шумори шуҳадои Ғазза аз 18 марти 2025 (азсаргирии ҳамалот ба Ғазза) ба як ҳазору 66 нафару теъдоди маҷрӯҳон ба 2 ҳазору 597 нафар расидааст. Аз сӯи дигар, бо идомаи ҳамалоти режими саҳюнистӣ аз ҳафтуми октябри 2023 токунӯн теъдоди кулли шуҳадои ин ҷанг ба 50 ҳазору 423 нафар ва шумори маҷрӯҳон ба 114 ҳазору 638 нафар афзоиш ёфтааст.
342/
Your Comment