Гузорише аз пружаи ҳазинаҳои ҷанги муассисаи Watson барои умӯри байналмилалӣ ва умумӣ нишон медиҳад, ки ҳамалоти режими саҳюнистӣ дар ҷанги Ғазза токунӯн ҷони 232 хабарнигорро гирифта, ки ба таври мутавассит 13 нафар дар ҳафта маҳсӯб мешавад.
Ба гузориши Порс Тудей, ин омор, ҷанги Ғаззаро ба маргбортарин ҷанги таърих барои фаъолони расонаӣ табдил кардааст.
Шабакаи Алҷазира бо интишори ин матлаб навишт: Теъдоди хабарнигорҳое, ки ҷони худро дар ҷанги Ғазза аз даст доданд, аз маҷмӯи кушта шудагони ин ҳирфа дар ду ҷанги ҷаҳонӣ, ҷанги Ветнам, ҷангҳои Югославия ва ҷанги Амрико дар Афғонистон бештар аст.
Тибқи эъломи пружаи ҳазинаҳои ҷанг, ин ҷанг воқеан бадтарин даргирии низомии таърих барои хабарнигорон будааст.
Дар ин гузориш омадааст, ки мушаххас нест чанд нафар аз хабарнигорони фаластинӣ дар Ғазза ба таври мустақим мавриди ҳадафи ҳамалоти режими саҳюнистӣ қарор гирифтаанд ва «чанд нафар аз онон сирфан монанди даҳҳо ҳазор ғайринизомии дигар, қурбонии бомбаборонҳои Исроил шудаанд.»
Бо ин ҳол, ин гузориш ба созмони «Гузоришгарони бидуни марз» (мустақар дар Порис) истинод карда, ки то поёни соли 2024, 35 мавридро сабт кардааст, ки дар онҳо артиши ишғолгар эҳтимолан ба далели фаъолияти ҳирфаии рӯзноманигорон, ононро ҳадаф қарор дода ва куштааст.
Бар асоси гузориши пружаи ҳазинаҳои ҷанг, ҳамалот ба хабарнигорҳо дар Ғазза, ки тақрибан ҳеҷ хабарнигори хориҷӣ иҷозаи вуруд ба онро надорад, вазъиятро буҳронитар кардааст, ки дар он гузоришгарони маҳаллӣ, ки ағлаб дастмузд каму имконоти ночизе доранд, бо бештарин хатарҳо мувоҷеҳ ҳастанд.
Дар ин гузориш омадааст: Дар саросари ҷаҳон, иқтисоди ин ҳирфа, хушунати ҷанг ва корзорҳои ҳамоҳанги сензура, манотиқи ҷангии бештареро ба гӯристони хабарӣ табдил кардаанд, ки Ғазза боризтарин намунаи он аст.
342/
Your Comment