Ба гузориши хабаргузории Абно ба нақл аз Ал-Ҷазира, дафтари Бинямин Нетаняҳу, нахуствазири режими саҳюнистӣ, ба гузориши Оҷонси Энергии Атомӣ ва иддаои матраҳшуда аз сӯи ин Оҷонс, вокуниш нишон дод.
Дафтари Нетаняҳу муддаӣ шуд: "Гузориши Оҷонси Энергии Атомӣ нишон медиҳад, ки ҳадафи барномаи ҳастаии Эрон мусолиҳатомез нест."
Ҳамчунин дафтари Нетаняҳу иддао кард: "Ҷомеаи ҷаҳонӣ бояд барои мамониат аз дастёбии Эрон ба силоҳи ҳастаӣ ба ҳаракат дарояд."
Гуфтанӣ аст, ки дақоиқе қабл, Оҷонси Байналмилалии Энергии Атомӣ дар гузорише маҳрамона, ки ба рӯъяти Ассошиэйтед Пресс расидааст, бо такрори иддаоҳо дар бораи анбошти захираҳои ураниуми ғанӣшуда дар «сатҳи таслиҳотӣ»-и Эрон, хостори ҳамкории комил ва муассири Теҳрон бо Оҷонс шуд.
Ин гузориш дар мақтае ҳассос ҳамзамон бо музокироти Теҳрон ва Вашингтон дар бораи барномаи ҳастаии Эрон мунташир шудааст.
Дар ин гузориш иддао шудааст, ки Эрон то 17 моҳи май (27 Урдибиҳишт), 408,6 килограмм ураниум бо хулуси 60 дарсад ғанӣсозӣ кардааст, ки нисбат ба охирин гузориши Оҷонс дар феврал, афзоиши 133,8 килограммиро нишон медиҳад.
Дар бахши дигаре аз ин гузориш иддао шудааст, ки ин мизон ураниум, «як қадами кӯтоҳи фаннӣ» бо сатҳҳои сохти силоҳ (90 дарсад) фосила дорад. Дар гузориши моҳи феврали Оҷонс, захираҳои ураниум бо хулуси 60 дарсади Эрон 274,8 килограмм эълом шуда буд.
Рафаэл Гроссӣ, мудиркулли Оҷонс бо такрори иддаоҳо алайҳи Теҳрон, муддаӣ шуда, ки Эрон «танҳо кишвари ғайриҳастаӣ аст, ки дар ин сатҳ ғанӣсозӣ анҷом медиҳад.»
Ҷумҳурии Исломии Эрон борҳо таъкид кардааст, ки ғанӣсозии ураниум, дар чорчӯби ҳуқуқи сулҳомези ҳастаии Теҳрон ва бо аҳдофи ғайринизомӣ ва мутобиқ бо ниёзҳои саноатӣ ва пизишкӣ анҷом мешавад.
342/
Your Comment