Шабакаи Ал Масираи Яман, бомдоди чаҳоршанбе эълом кард, ки устони Ҳаҷҷа дар шимоли шарқи Яман се бор мавриди ҳамлаи Амрико қарор гирифт.
Ба гузориши Порс Тудей, ҳамчунин дар ҳамлаи Амрико ба пружа ва сохтумони об дар Ал Ҳудайда дар ғарби Яман осеб ворид шуд ва чанд нафар шаҳид ва захмӣ шуданд. Ал Маёдин дар тавзеҳи ҳамлаи ахир ба устони Ҳаҷҷа ба нақл аз хабарнигори мустақари худ дар Санъо гузориш дод, ки Амрико як маркази беҳдоштӣ ва як мадриса дар устони Ҳаҷҷа дар шимоли ғарби Санъоро ҳадаф қарор додааст.
Ҳамлаи неруҳои мусаллаҳи Яман ба новҳои амрикоӣ дар Дарёи Сурх
Неруҳои мусаллаҳи Яман бомдоди чаҳоршанбе дар баёнияе эълом карданд, ки бо истифода аз мӯшаку паҳпод, ба новҳои ҷангии эътилоф дар Дарёи Сурх, аз ҷумлаи нови ҳавопаймобари амрикоии “Truman”, ҳамла кардаанд. Ҳамчунин неруҳои яманӣ шаби гузашта (сешанбе) низ шонздаҳумин паҳподи пешрафта аз навъ «MQ-9» Амрикоро дар устони Маариб сарнагун кард.
Шаҳодати 30 нафар дар пайи ҳамлаи Исроил ба Борикаи Ғазза
Дар пақи ҳамалоти бомдоди чаҳоршанбеи режими саҳюнистӣ ба манотиқи марказӣ ва ҷанубии Борикаи Ғазза то кунун 30 нафар шаҳиду шумори зиёде захмӣ шудаанд. Вазорати беҳдошти Фаластин дар Борикаи Ғазза ҳам дар баёнияе эълом кард, ки дар 24 соати гузашта, 42 шаҳид ва 183 захмӣ вориди бемористонҳои Борикаи Ғазза шудаанд. Бар асоси ин баёния, аз 18 марти 2025 ва бо оғози мавҷи тозаи таҷовузҳои режими саҳюнистӣ алайҳи Ғазза токунӯн як ҳазору 24 нафар дар Ғазза шаҳид ва 2 ҳазору 542 нафари дигар маҷрӯҳ шуданд.
Густариши амалиёти низомии режими саҳюнистӣ дар Ғазза
Исраэл Катс, вазири ҷанги режими саҳюнистӣ, рӯзи чаҳоршанбе эълом кард, ки артиши ин режим амалиёти худро дар Борикаи Ғазза густариш хоҳад дод ва муддаӣ шуд, ки ин амалиёт бо ҳадафи «тасаллут бар манотиқи васеъе» дар Ғазза анҷом мешавад. Катс ҳамчунин иддао кард, ки артиши режими саҳюнистӣ ба манзури « поксозии ин манотиқ аз ҳузури неруҳои муқовимату зерсохтҳои онҳо» пешравӣ хоҳад кард.
342/
Your Comment