Бино ба гузориши Агентии байналмилалии ахбори Аҳлибайт (АБНА), мутобиқи изҳороти Сипоҳи Посдорони Инқилоби Исломӣ, қароргоҳи сарфармондеҳии нерӯи ҳавоӣ ва бузургтарин дороии стратегии артиши террористии Амрико дар минтақаи Осиёи Ғарбӣ ҳадафи ҳамлаи мушакии Эрон қарор гирифт.
Матни изҳорот:
Ба номи Худованди бахшандаи меҳрубон
Миллати шариф ва муқовими Эрон!
Дар пайи таҷовузи ошкорои низомии режими ҷинояткори Иёлоти Муттаҳидаи Амрико ба таъсисоти ҳастаии сулҳомези Ҷумҳурии Исломии Эрон ва нақзи ошкорои ҳуқуқи байналмилалӣ, бо тадбири Шӯрои олии амнияти миллӣ ва роҳбарии қароргоҳи марказии Хотам-ул-Анбиё (с) "Сипоҳи Посдорони Инқилоби Исломӣ" бо рамзи муқаддаси "Ё Абоабдуллоҳил Ҳусейн (а)" дар амалиёти "Башорати Фатҳ" пойгоҳи Ал-Удайд дар Қатарро ҳадафи таҷовузи харобиовар ва пурқудрати мушакӣ қарор додааст. Ин пойгоҳ қароргоҳи сарфармондеҳии нерӯи ҳавоӣ ва бузургтарин дороии стратегии артиши террористии Амрико дар минтақаи Осиёи Ғарбӣ мебошад.
Паёми иқдоми қотеъонаи фарзандони миллат дар нерӯҳои мусаллаҳ барои Кохи Сафед ва муттаҳидонаш равшан ва сареҳ аст: "Ҷумҳурии Исломии Эрон бо иттико ба Худованди мутаол, иттико ба мардуми мӯъмин ва пурзаволи Эрони исломӣ дар ҳеҷ шароите таарруз ба тамомияти сарзаминӣ, ҳакимият ва амнияти миллии худро бепосух нахоҳад гузошт."
Бо таҷовузи душмани амрикоӣ бар ҳамагон ошкор шуд, ки шарорати саҳюнистҳо имтидоди тарроҳии амрикоиҳо будааст. Бар ин асос ёдовар мешавем, ки дар ин дифоъи миллӣ, пойгоҳҳо ва аҳдофи низомии мутаҳаррики Амрико дар минтақа на нуқтаи қудрат, балки нуқтаи заъфи бузург ва чашми Исфандиёри ин режими ҷангҷӯ ба шумор меравад.
Дар остонаи моҳи Муҳаррам, моҳи азои Сайид ва Салори Шаҳидон, Ҳазрат Абоабдуллоҳил Ҳусейн (а), бори дигар ба душманони Эрони исломӣ ҳушдор медиҳем, ки давраи "бизан ва даррав" ба сар омадааст ва иродаи нерӯҳои мусаллаҳи муқтадири мардумии кишвар ҳар гуна такрори шайтанат мунҷар ба тасриъ дар фурӯпошии аркони низомии Амрико дар минтақа, фирори хуффовар онҳо аз Осиёи Ғарбӣ ва таҳаққуқи ормони муштараки уммати исломӣ ва миллатҳои озодихоҳи ҷаҳон дар маҳви ғуддаи саратонии саҳюн хоҳад шуд.
Your Comment