Ба гузориши хабаргузории Абна, манбаъҳои хабарӣ аз тирпарронии низомиёни исроилӣ ба сӯи ҳайати дипломатии арабӣ-аврупоӣ дар Ҷенин дар Каронаи Ғарбӣ хабар доданд.
Манбаъҳои маҳаллӣ дар Каронаи Ғарбӣ эълон карданд, ки низомиёни артиши режими саҳюнистӣ рӯзи чоршанбе ба сӯи ҳайате, ки аз 30 сафир ва дипломатҳои арабӣ ва аврупоӣ иборат буд, ҳангоми боздид аз урдугоҳи паноҳандагони Ҷенин тирпарронӣ карданд.
Ин ҳайат барои огоҳӣ аз вазъияти инсонӣ ва осебҳои вайронгари амалиёти артиши режими саҳюнистӣ ба Ҷенин сафар карда буд.
Ҳайати мазкур барои огоҳӣ аз вазъияти башардӯстонаи Ҷенин дар минтақа ҳузур дошт, ки ногаҳон мавриди тирпарронӣ қарор гирифт, ки ҳарчанд талафоте надошт, аммо ба шиддат аъзои ин ҳайатро тарсонд.
Дар ҳамин ҳол, волии Ҷенин ба Фаластин ал-Яум гуфт: "Ҳайати мазкур аз 31 сафир ва дипломатҳои арабӣ ва аврупоӣ иборат буд, ки дар атрофи урдугоҳи паноҳандагони Ҷенин ҳузур доштанд."
Аъзои ин ҳайат аз Чин, Фаронса, Канада ва кишварҳои арабӣ буданд.
Аҳмад ал-Дайк, муовини вазири корҳои хориҷии Фаластин, ба хабаргузории Анадолу гуфт: "Ҳадафи артиши Исроил аз тирпарронӣ эҷоди тарс ва тарсондани ин ҳайат ҳангоми расидан ба яке аз вурудиҳои урдугоҳи паноҳандагони Ҷенин дар шимоли Каронаи Ғарбӣ буд."
Ҳамзамон, вазорати корҳои хориҷии Фаластин дар баёнияе эълон кард: "Мо тирпарронии низомиёни ишғолгар ба сӯи ҳайати дипломатӣ бо тирҳои ҷангӣ ҳангоми боздиди саҳроӣ дар Ҷенин дар Каронаи Ғарбӣ маҳкум мекунем. Ин амали таҷовузкорона дар қиболи ҳайати дипломатӣ нақзи ошкор ва хатарноки аҳкоми қонуни байналмилалӣ аст."
Your Comment