Сарнагӯнии сездаҳумини паҳподи амрикоӣ дар Яман, ҳимояти ҳаддиаксарӣ насли зид (ҷавон)-и Амрико аз Фаластин, ибтилои Натаняҳу ба саратон, кушта шудани 47 нафар дар пайи сониҳаи ҳавоӣ дар Кореяи Ҷанубӣ ва ҳушдори оғози мусобиқаи таслеҳотӣ дар ҷаҳон, гузидае аз охирин таҳаввулоти ҷаҳон аст, ки дар ин гузориш аз Порс тудей мехонед:
Сарнагунии сездаҳумини паҳподи амрикоӣ дар Яман
Ба гузориши Ал Олам, падофанди ҳавоии неруҳои мусаллаҳи Яман шанбешаб як фарванди паҳподи амрикоӣ аз навъи “MQ – 9”-ро, ки дар ҳоли анҷоми маъмуриятҳои хасмона дар осмони устони Албизо буд, сарнагӯн кард. Бар асоси эъломи Яҳё Сареъ, сухангӯи неруҳои мусаллаҳи Яман, ин сездаҳумин паҳподе буд, ки падофанди ҳавоии Яман аз оғози набарди “Фатҳи мавъуд” ва “Ҷиҳоди муқаддас” дар ҳимоят аз Ғазза сарнагӯн кардааст.
Дафтари нахуствазири режими Исроил: Бинямин Натаняҳу ба саратон мубтало шудааст
Дафтари нахуствазири режими саҳюнистӣ шанбешаб бо баёни инки Натаняҳ ба саратони прастат мубтало шудааст, эълом кард, вай рӯзи якшанбе таҳти амали ҷарроҳӣ қарор мегирад.
Тазоҳуроти густардаи саҳюнистҳо дар Тел Авив алайҳи Натаняҳу
Саҳюнистҳо шанбешаб бори дигар дар эътироз ба кабинаи нокоромади Натаняҳ тазоҳурот карданд. Бар асоси эъломи шабакаи Ал Олам, даргириҳое байни полиси режими саҳюнистӣ ва тазоҳуркунандагон ба вуқуъи пайваст, ки мунҷар ба боздошти шуморе аз муътаризон шуд.
Ҳамлаи мушакии муқовимат аз Ғазза ва шоки режими саҳюнистӣ
Артиши режими саҳюнистӣ дирӯз (якшанбе) эълом кард, ки 2 фарванд мӯшак аз Борикаи Ғазза ба самти ҷануби сарзаминҳои ишғолӣ ва Қудс партоб шудааст. Ба дунболи ин ҳамлаи мушакии муқовимати Ғазза ва шунида шудани садои инфиҷор дар Қудси ишғолӣ, манобеи хабарӣ эълом карданд: Артиши Исроил аз шиллики чунин мӯшакҳое он ҳам аз шимоли Борикаи Ғазза дар шок фурӯ рафтааст, чаро ки ин амр нишондиҳандаи ҳифзи тавонмандиҳои муқовимати Ғазза бо вуҷӯди вайрониҳои густарда бар асари ҳамалоти режими саҳюнистӣ алайҳи ин минтақа аст.
Ироқчи: 2025, соле муҳим дар мавзӯи ҳастаии Эрон аст
Саидаббоси Ироқчӣ, вазири хориҷаи Ҷумҳурии Исломии Эрон, ки дар раъси ҳайате ба Чин сафар кардааст пас аз анҷоми дидорҳое бо вазири хориҷаи ин кишвару дабири кулли Созмони Ҳамкории Шанхай дар Пекин, дар ҷамъи хабарнигорон изҳор дошт, ки соли 2025 як соли муҳим дар робита бо мавзӯи ҳастаии Эрон аст.
Ҳимояти ҳаддиаксарии насли ҷавони Амрико аз Фаластин
Бар асоси назарсанҷиҳои ахир дар Амрико, тафовути нигариши наслҳои мухталиф дар ин кишвар нисбат ба масаълаи Фаластин бисёр маънодор буда ба ин сӯрат, ки наслҳои ҷавонтар дар Амрико нисбат ба наслҳои мусинтар рӯйкарди мутафовите нисбат ба масаълаи Фаластин доранд.
Бар асоси гузориши ИСНА, насли Z (мутаваллидин 1997 - 2012) ҳудӯди 75 дарсад ҳомии фаластиниҳо ва ба шиддат мунтақиди сиёсатҳои режими саҳюнистӣ ҳастанду бештарин гароиш ба адолатхоҳӣ ва ҳуқуқи башарро доранд ва ҳамчунин фаъолияти густардаеро дар шабакаҳои иҷтимоӣ барои афзоиши огоҳӣ доранд.
Террори 14 нафар тайи 24 соат дар Сурия
Дидбони мавсӯм ба ҳуқуқи башари Сурия эълом кард, аз асри ҷумъа то шанбешаб 14 шаҳрванди сурӣ дар Сурия террор шудаанд. Дидбони мавсӯм ба ҳуқуқи башари Сурия бо ҳушдор дар хусӯси афзоиши ноамнӣ дар ин кишвар эълом кард, агар ин мушкилот дар манотиқи мухталифи Сурия ба ҳамин минвол идома ёбад, фоҷеъаи ҳақиқӣ шакл хоҳад гирифт.
Ҳушдори оғози мусобиқаи таслеҳотӣ дар ҷаҳон
Сергей Рябков, муовини вазири хориҷаи Русия бо ҳушдор дар бораи иқдомоти хасмонаи Вашингтон эълом кард, нишонаҳое аз оғози мусобиқаи ҷадиди таслеҳотӣ дар ҷаҳон ба чашм мехӯрад. Бар асоси эълом вай, иқдомоти барҳамзанандаи субот аз сӯи Вашингтон, ба мушаввиқе барои кишварҳое, ки Амрико онҳоро душман ё рақиби худ медонад, табдил шудааст то иқдомоти мутақобилу ҷабронӣ анҷом диҳанд.
47 кушта дар пайи сониҳаи ҳавоӣ дар Кореяи Ҷанубӣ
Расонаҳои Кореяи ҷанубӣ субҳи имрӯз (якшанбе) эълом карданд, ки бар асари хурӯҷи як ҳавопаймои мусофирбарӣ аз бонд ва бархӯрди он бо мавонеъ дар фурудгоҳи байналмилалии ин кишвар, 47 нафар кушта шуданд.
