Ситоди ҳуқуқи башари Ҷумҳурии Исломии Эрон бо судӯри баёнияе зимни ибрози инзиҷор аз иқдомоти нажодпарастона дар Фаронса ва маҳкӯм кардани қатли ду табааи эронӣ дар Фаронса, эълом кард: Давлати Фаронса бояд посухгӯи қатли ду шаҳрванд эронӣ бошад ва дар ин бора ба афкори умумӣ тавзеҳ диҳад.
Ба гузориши Порс тудей, дар ин баёния омадааст, давлати Фаронса бояд мустанадоту шавоҳиди дақиқе дар бораи ин парванда ироа диҳад ва ба таври шаффоф, ангезаҳои зорибро равшан кунад; дар ғайри ин сӯрат, чунин ҳаводисе метавонад, суолоти ҷиддӣ дар бораи амнияти шаҳрвандони хориҷӣ дар ин кишвару амалкарди системаи қазоӣ ва амниятии Фаронса эҷод кунад.
Ба тозагӣ дар ҷараёни ҳамлаи мусаллаҳонаи машкӯк ба ангезаҳои нажодпарастона дар Фаронса, ду табааи эронӣ ба номҳои Ҳамиди Қурбонӣ ва Ҳодии Рустамӣ аз ноҳияи сар, ҳадафи гулӯлаҳои як муҳоҷими фаронсавӣ, қарор гирифта ва ба қатл расиданд.
Бо таваҷҷуҳ ба мушаххас набудани иртибот байни қурбониён, гумоназаниҳо дар бораи эҳтимоли вуҷӯди ангезаҳои нажодпарастона ё ҳатто террористӣ дар ин ҳамла матраҳ шудааст.
Ҳарчанд ҳануз мақомоти Фаронса эълом накардаанд, ки қатли атбои эронӣ як парвандаи ҷиноӣ аст ё иқдоми террористӣ ва барномарезӣ шуда, аммо шавоҳиду осори ин ҳамлаи мусаллаҳона ҳикоят аз иқдоми хасмона алайҳи атбои хориҷӣ дорад.
Агарчӣ мақомоти фаронсавӣ дар зоҳир талош мекунанд, ин кишварро маҳди демократия, озодии баён ва низ муҳоҷирпазир ҷилва диҳанд, аммо дар амал рафтори қобили қабуле бо бисёре аз афроди муҳоҷир, ки аксари онҳо сиёҳпӯст ва ё осиёитабор ҳастанд, намешавад.
