Бар пояи оморҳо, теъдоди бонувони эронии мудиромилу раиси ҳайатмудираи ширкатҳои донишбунён дар 3 соли ахир рушди хуберо нишон додаанд. Теъдоди мудирони зани фанновар аз 1092 нафар ба 2250 нафар расидааст, ки рушди ду баробариро нишон медиҳад.
Ин занони фанновар бо мудирият бар ширкатҳои донишбунён, дар афзоиши иштиғоли фориғуттаҳсилони донишгоҳӣ, посух ба ниёзҳои Эрон ва ҳамчунин кумак ба арзоварӣ ва рушди иқтисоди донишбунён қадамҳои муассире бардоштаанд.
Ба гузориши “Порс-Тудей”, ба нақл аз хабаргузории “Меҳр”, дар як намуна ва дар тозатарин рӯйдоди байналмилалӣ 4 бонӯи корофарини эронӣ дар мусобиқаи ширкатҳои навофарини занони БРИКС, ки яке аз барномаҳои аслии Маҷмаи корофаринони БРИКС ба шумор меравад, барандаи ҷоизаи ин мусобиқа шуданд. Дар ин рӯйдод дар миёни 26 пружаи ниҳоӣ, 4 маврид мутааллиқ ба бонувони навофарини бартари эронӣ будааст.
Яке аз занони саромади эронӣ доктор Аъзами Карамӣ аст, ки бо мудирият бар як ширкати донишбунён, ба гирдоварии фориғуттаҳсилону нухбагони донишгоҳӣ пардохтааст. Яке аз маҳсулоти ин ширкат, ки барандаи ҷоизаи мусобиқаи ширкатҳои навофарини занони БРИКС ва Ҷитекси Дубай шуда, “паҳподи тахассусии поиши хутути интиқоли барқ” ном дорад. Новбарии мубтанӣ бар пардозиши тасвиру мустақил аз Ҷи Пи Эс, қобилияти новбарии атрофи майдони мағнотисии боло, парвози автоматӣ, скани басарии атрофу дурбини тасвирбардорӣ бо зуми 30 баробар, аз вижагиҳои ин паҳпод ба шумор меравад.
Сайида Фотима Ҳусайнӣ, яке аз бонувони корофарини эронии дигар аст, ки дар ширкати донишбунёни худ барои беҳбуди кайфияти зиндагии беморони мубтало ба ихтилолоти мағзу аъсоб, маҳсулоти навинеро тавлид ва ба бозор арза мекунад. Маҳсули донишбунёни ин ширкат «қошуқёри ҳушманд» ном дорад, ки бо фанноварии биофидбак ба афроде ки бар асари аворизи солмандӣ, поркинсон ва сактаи мағзӣ ба ларзиши даст дучор шудаанд, кумак мекунад ба роҳатӣ ғизоро майл кунанд.
Ин дастгоҳ метавонад то 85 дарсад ларзиши дастро кам кунад ва алгоритмҳои ҳушманд дар таомул бо сенсорҳои дақиқи бакоррафта дар қошуқёр, қодиранд ба таври худкор ларзиши дастро аз ҳаракати иродӣ тамоюз диҳанд.
Доктор Марзия Иброҳимӣ, мудиромили ширкати донишбунёни дигаре аст, ки дар ҳавзаи фанноварӣ ва навоварии дармони беморони саратонӣ бо истифода аз равишҳои навин фаъолият мекунад. Тарҳи баргузидаи мутааллиқ ба ин ширкат дар бораи «эҷоди бонки селлулҳои эминӣ» аст, ки барои дармони беморони саратонӣ қобили истифода аст. Селлулҳои эминӣ дар афроди солим метавонанд созукореро барои дармони беморони саратонӣ фароҳам кунанд. Ин селлулҳо ба таври табиӣ хосияти ташхиси селлулҳои саратонӣ ва аз байн бурдани онро доранд. Ин селлулҳо ҳамчунин ҳазфи уфунатҳои вирусӣ ва афзоиши бақои пайванди селлулҳои бунёдӣ дар беморони мубтало ба саратонро анҷом медиҳанд.
Ширкати донишбунёни дигаре дар ҳавзаи ҳуши маснӯӣ фаъол аст, ки бо мудирияти бонуи эронӣ Нафиса Ҳотамихоҳ «платформаи ҷомеи эҳрози ҳувияти диҷитал»-ро ироа додааст. Ин платформаи диҷитал бо ибтикороте ҷадид дар ҳавзаи бонку хадамоти молӣ, иртибототу оператори мубойл, саррофии арзи диҷитал, бурс, бимаву сармоягузорӣ корбурд дорад. Мамониат аз сӯиистифода аз ҳувиятҳои сирқатшуда бар ниҳодҳову созмонҳо, аз ҷумла саррофии арзи диҷитал, аз корбурдҳои ин платформа аст.
Чунин дастовардҳои фановаронае, ки бо мудирияти занони эронӣ зуҳур карда, нишондиҳандаи он аст, ки зани эронӣ на танҳо дар ҳавзаҳои варзишӣ, ҳунарӣ, иҷтимоӣ ва … ки дар ҳавзаи илму мудирияти илмӣ низ ба сатҳи бисёр матлубе расидааст.
