Ба гузориши хабаргузории Абна бо истинод ба Ал-Маядин, ду ҷунбиши фаластинии Ҳамос ва Ҷиҳоди Исломӣ ҳамлаҳои ваҳшиёнаи режими саҳюнистиро ба Сурия маҳкум карданд.
Дар баёнияи ҷунбиши Ҳамос омадааст: Мо таҷовузи ваҳшиёнаи режими саҳюнистӣ ба Сурия ва Лубнонро маҳкум мекунем ва муттаҳид шудани талошҳоро барои муқобила бо режими ишғолгар ва кобинаи ваҳшиёнаи Нетаняҳу талаб мекунем. Мо бар ҳимояти худ аз тамомияти арзии Сурия ва пофишорӣ бар нигаҳдории амният ва суботи Сурия, Лубнон ва ҳамаи кишварҳои бародари араб таъкид мекунем.
Ҷунбиши Ҷиҳоди Исломии Фаластин низ эълон кард: Давоми таҷовузи режими саҳюнистӣ ба хоки Сурияро ба шиддат маҳкум мекунем. Таҷовузи режими саҳюнистӣ ба Сурия баёнгари нақшаҳои душманона ва тавсеъаталабонаи ин режим алайҳи уммати араб ва исломӣ бо ҳадафи таҷзия ва тақсими минтақа ва миллатҳои он аст.
Ин ҷунбиш таъкид кард: Таҷовузи режими ишғолгар ба Сурия таҷовузи мустақим ба ҳамаи миллатҳои араб ва исломӣ маҳсуб мешавад. Минтақаи араб аз таҷовузи режими саҳюнистӣ ва паёмадҳои он дар амон нахоҳад буд.
Гуфтанист, ки расонаҳои Сурия шоми гузашта эълон карданд, ки ҷангандаҳои режими саҳюнистӣ дар ҳамлаҳои сангин ва бесобиқа минтақаҳои мухталифи ин кишварро бамборон карданд.
342/
Your Comment