Ба гузориши хабаргузории Аҳлулбайн (Абна), пойгоҳи хабарии Мираот ал-Баҳрайн навишт: “Ҳар касе, ки ба саволҳое, ки дар ҷараёни бозпурсии афроди ҳозир дар маҷлиси Шайх Алӣ Салмон, дабири кулли Ҷамъияти Ал-Вафоқ, матраҳ шудааст, назар андозад, шояд тасаввур кунад, ки бо як намоиши комедӣ рӯбарӯст.”
Саволҳое мисли: “Бо кӣ даст додӣ? Чӣ касоне ҳузур доштанд? Оё бо хонаводаи Шайх дар тамос ҳастӣ? Оё яке аз аъзои хонавода аз ту даъват карда буд?” намунае аз суолҳоест, ки бозпурсон аз шаҳрвандоне, ки дар маҷлиси Шайх Алӣ ҳузур доштанд, пурсидаанд; ба иловаи бархе саволҳои шахсии дигар.
Ин афрод пас аз бозпурсӣ дар ҳолати шок буданд ва бо худ мегуфтанд: “Оё воқеан чунин чизе шунидем? Оё инҳо мантқист?” Онҳо эҳсос карданд, ки ҳадаф, ташдиди фишор бар пойгоҳи мардумии Шайх Алӣ Салмон аст. Сабки ҷадиди амниятӣ нишон медиҳад, ки барномае барои саркӯби бештари мухотабон ва тарафдорони Шайх Алӣ вуҷуд дорад.
Агарчи ҳукумат ҳамеша бо Шайх Алӣ Салмон даргир будааст, аммо ин ки акнун ҳатто шаҳрвандонеро, ки дар маҷлисе оммавӣ ва ошкоро ширкат кардаанд ва на дар эътирозот, мавриди пайгард қарор медиҳад, нишон медиҳад, ки хатари ҷиддитаре дар роҳ аст ва замина барои иқдомоти сахттар фароҳам шудааст.
Даъвати теъдоди зиёди шаҳрвандоне, ки дар маҷлисҳои Шайх Алӣ Салмон ширкат кардаанд, нишонаи нигаронкунанда аст ва метавон онро чунин тафсир кард:
- Ҳукумат бо вуҷуди солҳо ҳабси ноодилона, натавонистааст пойгоҳи мардумии Шайх Алӣ-ро таҳаммул кунад ва аз мизони истиқболи мардум барои ҳузур дар маҷлиси ӯ, ҳатто дар даврони зиндон, хашмгин аст.
- Ҳукумат аз нуфуз ва таъсири Шайх Алӣ, ба хусус бар насли ҷавон, ки майли дидор ё ҳатто гуфтугӯи видеоӣ бо ӯ аз зиндон доранд, нороҳат аст.
- Ҳукумат тасмим гирифтааст мардумро дар хонаҳояшон ҳадаф қарор диҳад; аз тариқи муҳосира, назорат, таъқиб ва контроли, танҳо ба далели дидгоҳи сиёсиашон ва ҳамбастагӣ бо муборизе миллӣ, ки ҳамеша шиори мусолиматҷӯиро сар додааст.
- Ҳукумат мехоҳад бо эҷоди таниш дар суннате, ки ҳамаи табақаҳо ва мазоҳиби баҳрайнро гирди ҳам меорад, даъвои ҳамзистии мусолиматомезро зери суол бубарад.
Your Comment