Ба гузориши хабаргузории Аҳли Байт (а) – Абна – Оятуллоҳ Аърофии, мудири ҳавзаҳои илмияи Эрон дар пайёме даргузашти Поп Франсис, пешвои католикҳои ҷаҳонро таслият гуфт, ки матни он ба ин шарҳ аст:
Ба номи Худои Меҳрубон ва Раҳмон
Ҳазратҳо, мақомоти муҳтарами Ватикан ва ҷомеаи масеҳиёни католики ҷаҳон,
Бо салом ва эҳтиром,
Бо таассуф ва андӯҳ, хабари даргузашти Ҳазрати Олӣ Поп Франсис, пешвои мардумии калисои католикро дарёфт намудем. Ин зиёни бузургро ба мақомоти муҳтарами Ватикан ва тамоми пайравони оини масеҳият таслият мегӯем.
Поп Франсис шахсияти барҷаста ва таъсиргузор дар арсаи гуфтугӯи адён ва тарвиҷи сулҳ ва ҳамзистӣ миёни миллатҳо буд. Ӯ бо равиши инсонӣ ва ахлоқӣ, талошҳои арзишманде барои таҳкими равобит миёни адёни илоҳӣ, ба хусус ислом ва масеҳият ва густариши арзишҳои маънавӣ ва ахлоқӣ ва тавсия ба адолат ва нафйи зулм ва ситам дар ҷаҳон дошт.
Аз Худованди Мутаъол барои рӯҳи Ӯ оромиш ва луфти илоҳӣ масъалат дорем ва барои ҷомеаи масеҳиёни католик сабр ва шикебоӣ орзу мекунем.
Бо таҷдиди эҳтиром ва таслияти муҷаддад,
Алиризо Аърофии
Мудири ҳавзаҳои илмияи Эрон
342/
Your Comment