Сайидаббоси Ироқчӣ-вазири хориҷаи Эрон рӯзи шанбе дар дидори Ҳанс Гиравандберг-фиристодаи вежаи дабири кулли Созмони Милали Муттаҳид дар умури Яман, ки барои машварат ва ройзанӣ бо мақомҳои Эрон ба Теҳрон сафар кардааст, бо ибрози таассуф аз дарки ғайрвоқеии Амрико аз мардуми Яман ва минтақа, таъкид кард: Сиёсатгузорони амрикоӣ бояд дарк кунанд, ки решаи аслии ноамнӣ дар минтақаи идомаи ишғолгарӣ ва наслкушӣ дар Фаластини ишғолӣ аст ва Амрико наметавонд бо ҳамла ба Яман ва куштори мардуми бегуноҳи Яман, ки фақат ҷурмашон ибрози ҳамбстагӣ ва ҳимоят аз мардуми мазлуми Фаластин аст, муддаии барқарории субот дар минтақа шавад.
Ба гузориши Порс тудей,Ироқчӣ бо интиқод аз беамалии ША СММ дар баробари режими Исроил ва Амрико, бар иқдоми фаврӣ ва муассири ин созмон барои таваққуфи қонуншиканӣ ва беҳурматӣ нисбат ба қонунҳои байналмилалӣ таъкид кард.
Гиравандберг ҳам дар ин дидор бо табрики Наврӯз ва иди Фитр ба вазири хориҷаи Эрон, аз идомаи ҳимоятҳои Ҷумҳурии Исломии Эрон аз нақш ва талошҳои СММ барои пайгирии раванди сулҳ дар Яман қадрдонӣ кард.
Намояндаи вежаи дабири кулли Созмони Милали Муттаҳид дар умури Яман ҳамчунин бо ироаи гузорише аз сафари ахир худ ба Брюссел ва ройзанӣ бо мақомҳои Иттиҳодияи Аврупо ва ҳамчунин охирин талошҳо ва пайгириҳои суратгирифта аз сӯи СММ барои кумак ба беҳбуди авзоъ дар Яман ва барқарории сулҳ ва оромиш дар ин кишвар тасреҳ кард: Дастёбӣ ба субот ва сулҳ дар Яман як зарурати фаврӣ на фақат барои яманиҳо, балки барои амният ва суботи кулли минтақа аст ва Созмони Милал ҳама зарфиятҳои худро барои таъмини ин ҳадаф ба кор хоҳад гирифт.
Your Comment