Имом Хоманаӣ дар дидори вазир, муовинон ва мудирони Вазорати иттилооти Эрон, ҳифзи рӯҳия ва рӯйкарди инқилобӣ дар Вазорати иттилоот дар тӯли солҳои дарозро аз вежагиҳо ва имтиёзоти мумтози ин вазоратхона баршумурданд.
Ба гузориши Порстудей ва ба нақл аз пойгоҳи иттилоърасонии Дафтари мақоми муаззами раҳбарӣ, ишон гуфтанд: Вазорати иттилоот маҷмӯае воқеан инқилобӣ ва пойбанд ба Инқилоб аст ва ҳамчунон ки унсурҳои қадимии ин вазорат, инқилобӣ монданд, нируҳои ҷадиди он низ дар масири инқилоб ҳаракат мекунанд, ки ин неъмати бузург аст.
Ишон ҳамчунин бо таъкид бар ҳамкорӣ ва ҳамоҳангии дастгоҳҳои иттилоотӣ бо якдигар дар ҳама сатҳҳо, таваҷҷуҳи вежаи маҷмӯаҳои иттилоотӣ ба тазкияи ахлоқӣ ва масоили маънавиро низ муҳим ва зарурӣ донистанд.
Имом Хоманаӣ дар бахши дигар аз суханони худ таҷаллии тароват ва нишоти инқилобӣ дар роҳпаймоии 22 баҳман ва ба саҳна омадани ҷавонон ва навҷавонон барои дифоъ аз инқилоб бо вуҷуд ҳаҷми анбӯҳи хусуматҳо алайҳи низоми исломиро нишонаи иродаи Парваргор барои пешрафти Ислом дар бистари Ҷумҳурии исломӣ хонданд ва афзуданд: Намунаи дигаре аз бурузи иродаи Илоҳӣ, таҷаммӯъоти зиддисаҳюнистӣ дар Аврупо ва ҳатто Амрико ва афзоиши чашмгири ҳимояти афкори умумии ҷаҳон аз мардуми Фаластин аст.
Дар ибтидои ин дидор, ҳуҷҷатулислом валмуслимин Хатиб-вазири иттилооти Эрон, гузорише аз амалкард ва барномаҳои ин вазоратхона дар беасарсозии таҳдидҳои амниятӣ ва зарбаҳо ба хадамоти ҷосусии душманон баён кард.
342/
