Ба гузориши хабаргузории Абно, Вазорати дифои Афғонистон эълом кард, ки дар амалиёти толибонаи ин кишвар алайҳи Покистон, 55 низомии покистонӣ кушта шудаанд.
Ҳамдуллоҳ Фитрат, муовини сухангӯи ҳукумати Афғонистон дар ин бора гуфт, ки дар идомаи ҳамлаҳои сангин ва ҳадафманди нерӯҳои ин кишвар, даҳҳо низомии покистонӣ кушта, тақрибан 20 посгоҳ тасарруф ва теъдоде таҷҳизоти душман ғанимат гирифта шудааст.
Ба гузориши Садои Афғон, ин ҳамлаҳо аз ҷониби қӯшунҳои "203 Мансурӣ" ва "201 Холид ибни Валид" дар вилоятҳои Пактиё, Пактика, Хуст, Кунар, Нӯристон, Нангарҳор ва ҳамчунин дар гузаргоҳи марзии Турхум анҷом шудааст.
Фитрат гуфт, ки дар ин амалиёт, даҳҳо қадаҳ силоҳи сабук ва сангин, як танк ва як мотори навъи "Интернатсионал" ба унвони ғанимат ба даст омадааст.
Забиҳуллоҳ Муҷоҳид, сухангӯи ҳукумати Афғонистон пеш аз ин гуфта буд, ки дар вокуниш ба тамаррудҳо ва саркашиҳои низомии Покистон, амалиёти густурдаи ҳуҷумӣ алайҳи марказҳо ва таъсисоти низомии нерӯҳои покистонӣ дар тӯли хати Дуранд оғоз гардид.
Your Comment