Ба гузориши хабаргузории Обно, Вазорати дифои Русия эълом кард: "Ситемаҳои дифои ҳавоии ин кишвар 88 фарванд паҳподи украиниро дар тӯли ду соат аз 07:00 то 09:00-и имрӯз, 15 феврал, бар фарози минтақаҳои мухталифи Русия аз ҷумла Астрахан, обҳои баҳри Азов, Брянск, Волгоград ва Краснодар раегирӣ ва мунҳадим карданд."
Охирин даври музокироти сулҳи Украина ба сурати сеҷониба ва бо ҳузури намояндагоне аз Русия, Украина ва Амрико дар Абузабӣ, пойтахти Имороти Муттаҳидаи Арабӣ баргузор шуд.
Бо вуҷуди баргузории якчанд даври музокирот, ҷанг байни Русия ва Украина идома дорад. Масоили сарзаминӣ ҳанӯз ҳам муҳимтарин монеи ба натиҷа расидани музокироти байни ду тараф аст.
Русия ва Украина кӯшиш мекунанд бо ҳифз ва рушди минтақаҳое, ки таҳти назорат доранд, ибтикор дар майдони набард ва ҳамчунин дар майдони музокираро ба даст гиранд.
Пештар, Матю Уитакер, намояндаи доимии Амрико дар Паймони Атлантикии Шимолӣ (НАТО) гуфта буд: "Вошингтон интизор дорад, ки мавзӯъи ихтилофоти сарзаминӣ дар рӯзҳо ва ҳафтаҳои оянда таъйини таклиф шавад."
Вай гуфта буд, ки ширкаткунандагон дар раванди музокирот барои ҳалли буҳрони Украина, дар ҳоли ҳозир ба рӯи чаҳор санади ниҳоӣ кор мекунанд: як тарҳи сулҳи 20 бандӣ, маҷмӯъе аз тазминотҳои амниятии бисёрҷониба, тазминотҳои амниятии мушаххаси Амрико ва ҳамчунин барномаи рушд ва шукуфоии иқтисодии пас аз сулҳ.
Your Comment