Ба гузориши хабаргузории Меҳр ба нақл аз хабаргузории Шаҳоб, дар ҳоле ки нигоҳи ҷаҳониён ба ҷиноятҳои ваҳшиёнаи сионистҳо алайҳи Навори Ғазза равона шудааст, режими ишғолгар дар сояи хомӯшии хабарӣ ва бидуни садо, дар талош барои бозтарҳии ҳузури стратегӣ дар қораи Африқо аст; ҳузуре, ки ба назар бо абзорҳои тавсеа ва маданӣ худро нишон медиҳад, аммо дар воқеият решаҳои амиқи иттилоотӣ ва амниятӣ дорад.
Ҷосусӣ бо пӯшиши башардӯстона ва тавсеа
Аз Уганда то Эфиопия ва аз Нигерия то Африқои Ҷанубӣ, гузоришҳо аз густариши фаъолиятҳои хадамоти ҷосусии Моссади режими сионистӣ ва ширкатҳои вобаста ба он дар пӯшиши лоиҳаҳои иқтисодӣ ва башардӯстона хабар медиҳанд. Иттилооти зиёде дар бораи ҷалби унсурҳои маҳаллӣ ва истифода аз абзорҳои пешрафтаи назорати электронӣ тавассути ширкатҳои ғайринизомӣ, ки ба назар тавсеагаро ҳастанд, аммо дар асл бозуи иттилоотӣ ва ҷосусӣ ба шумор мераванд, мунташир шудааст.
Ин нуфузи ҷосусии сионистҳо дар Африқо пас аз оғози ҷанги Ғазза аз 7 октябри соли 2023 ба таври қобили таваҷҷуҳ афзоиш ёфт ва дар чаҳорчӯби талошҳои ин режим барои эҷоди ҳарми сиёсӣ дар маҷомеи байналмилалӣ ва ҷалби ҳимояти кишварҳои африқоӣ қарор дорад; кишварҳое, ки ба таври анъанавӣ ва дар сатҳи миллӣ ҳамеша аз фаластиниҳо ҳимоят кардаанд.
Бар асоси таҳқиқоти рӯзномаи Таймзи режими сионистӣ, хадамоти ҷосусии Моссад аз ноябри соли 2017 таҳти пӯшиши лоиҳаҳои иқтисодӣ ва башардӯстона, амалиётҳои худро дар чандин кишвари африқоӣ ташдид кардааст.
Тибқи таҳқиқи ҷадиде, ки ахиран аз ҷониби Маркази мутолиоти Ал-Зайтуна мунташир шудааст, режими сионистӣ бо беш аз 44 кишвари африқоӣ ба сурати расмӣ ё ғайрирасмӣ робита дорад ва барои эҷоди нуфузи иттилоотии хомӯш ба абзорҳои тавсеа ва ширкатҳои хусусӣ такя мекунад.
Ҷалби ҷосус тавассути муассисаҳои таълимӣ
Дар миёни ин ширкатҳо, ниҳоди “Машав” ҳамчун оҷонсии ҳамкории байналмилалии режими сионистӣ қарор дорад, ки худро ҳамчун бозуи кумакҳои тавсеа ба бозор муаррифӣ мекунад, аммо аксар вақт дарвозае барои нуфузи сиёсӣ ва амниятӣ аст. Ҳамчунин муассисаҳои таълимии режими сионистӣ ба раҳбарии Муассисаи идораи байналмилалии “Ал-Ҷалил” садҳо шахсият ва донишҷӯ аз кишварҳои африқоӣро тавассути барномаҳое, ки фаротар аз идора, омӯзиши низомӣ ва эҷоди шабакаҳои дифои маҳаллӣ аст, ҷалб мекунанд.
Гуфта мешавад, ки аксари кишварҳои африқоӣ ҳадди ақал як мақоми барҷаста доранд, ки аз ин муассисаи сионистӣ хатм кардааст. Фаъолиятҳое, ки ниҳодҳои мазкур анҷом медиҳанд, дар зоҳир шомили таъсиси марказҳои тавсеа аст, ки бахши бузурге аз онҳо ба ҷамъоварии иттилоот дар бораи фаъолиятҳои зидди сионистӣ ё пайгирии ҷунбишҳои ҳомии муқовимати Фаластин марбут аст.
Муҳаммад Солеҳ, мудири Маркази таҳқиқот ва мутолиоти сиёсии Африқо дар ин замина мегӯяд: “Ин раванде, ки ниҳодҳои сионистӣ пеш гирифтаанд ва ташдиди талошҳои ин режим барои нуфуз дар қораи Африқо тавассути абзорҳои ҷосусӣ, ба заъфи маҳбубияти Тел-Авив дар маҳофили африқоӣ, ба хусус миёни миллатҳо бармегардад. Ин масъала боис шудааст, ки режими сионистӣ аз шиканандагии баъзе давлатҳои африқоӣ ва заъфи зерсохтҳои амниятии онҳо барои нуфуз дар ин кишварҳо тавассути ҷабҳаҳои ғайринизомӣ ё ширкатҳои тавсеа, ки бозуи ҷалби нерӯ ва нуфузи амниятӣ ҳастанд, сӯиистифода кунад.”
Нармафзори ҷосусии Пегасус дар бозорҳои Африқо
Дар ин миён, нармафзори ҷосусии Пегасус дар солҳои ахир аз ҷумлаи абзорҳои нуфузи режими сионистӣ дар Африқо буда ва ширкатҳои сионистӣ, ки дар амнияти кибернетикӣ ва ҷосусӣ тахассус доранд, ҳамчун бозигарони калидӣ дар арсаи Африқо зуҳур кардаанд. Ин ширкатҳо дар шаклдиҳӣ ва ҳидояти сиёсатҳои назоратӣ барои хидмат ба дастурҳои амниятӣ, ки фаротар аз марзҳои миллӣ ҳастанд, нақши зиёде доштаанд.
Тибқи гузориши рӯзномаи англисии Гардиан дар соли 2021 дар бораи ифшогариҳои лоиҳаи Пегасус, чандин давлати африқоӣ аз ин нармафзори ҷосусӣ барои пайгирии мухолифон ва фаъолони худ истифода кардаанд. Ширкати сионистии NSO, ки ин нармафзорро тавлид мекунад, ҳамчун восита миёни давлатҳои африқоӣ ва созмонҳои амниятии режими ишғолгар амал карда ва ин технологияро бо тасдиқи вазорати ҷанги ин режим дар ихтиёри африқоиҳо қарор додааст.
Маҷаллаи Форин Полиси низ дар январи соли 2022 гузориш дод, ки Пегасус дар Руанда, Уганда, Марокаш ва чандин кишвари соҳили Африқо истифода шуда ва боиси ҳак шудани телефонҳои рӯзноманигорон, мухолифон ва ҳатто мақомоти хориҷӣ дар Африқо шудааст.
Тибқи гузориши Маркази таҳқиқот ва мутолиоти сиёсии араб дар соли 2020, Тел-Авив бо кишварҳои африқоӣ ба мисли Чад, Эфиопия ва Уганда тавофуқномаҳои амниятӣ имзо кардааст, ки шомили омӯзиши низомӣ ва мубодилаи иттилоот мешавад. Аммо ҳадаф аз ин тавофуқномаҳо, бозёбии эътилофҳои Тел-Авив дар Африқо барои хидмат ба стратегияи режими сионистӣ дар роҳи маҳзур кардани муқовимати Фаластин дар минтақа ва миёни кишварҳои араб аст.
Дар гузорише, ки шабакаи Ал-Ҷазира дар соли 2022 мунташир кард, низ омадааст, ки Моссад марказҳои назоратии зиёде дар кишварҳои африқоӣ эҷод кардааст, то фаъолиятҳои Ҳамос ва Ҷиҳоди Исломиро пайгирӣ кунад ва марказҳои мухолифи Фаластинро дар ин кишварҳо ба вуҷуд орад.
Пушти пардаи густариши фаъолиятҳои ҷосусии Тел-Авив дар Африқо
Нейтан Браун, муҳаққиқи Муассисаи Брукингз мӯътақид аст, ки Тел-Авив аз густариши нуфузи худ дар Африқо барои касби машрӯияти байналмилалӣ тавассути блоки раъйдиҳандагони африқоӣ дар Созмони Милали Муттаҳид истифода мекунад; ба хусус ин ки ҳимояти кишварҳои аврупоӣ аз Тел-Авив дар мавзӯъоти ҳуқуқи башар дар Созмони Милал коҳиш ёфтааст.
Бо вуҷуди густариши фаъолиятҳои ҷосусии режими ишғолгар дар қораи Африқо, гузоришҳо нишон медиҳанд, ки сақфе дар ин кишварҳо вуҷуд дорад, ки Тел-Авив наметавонад аз он убур кунад: афкори умумии зидди истиъморӣ дар Африқо, ки ҳомии ормони Фаластин ҳастанд.
Your Comment