Режими саҳюнистӣ таваҳҳуши алайҳи фаластиниён дар Ғаззаро тайи ҳафтаҳои ахир ташдид карда ва ин масаъла акнӯн нигаронии маҷомеъи байналмилалиро ба ҳамроҳ доштааст. Бар ин асос ва ба гузориши Порс Тудей, созмони имдодрасонӣ ва корёбӣ барои оворагони фаластинии вобаста ба Созмони милал дар тозатарин гузориши ҳафтагии худ аз вазъияти Борикаи Ғазза ва Каронаи Бохтарӣ, аз оворагии иҷборӣ беш аз 142 ҳазор нафар танҳо дар фосилаи рӯзҳои 18 то 23 март хабар дод.
Ин гузориш ҳамчунин ба шаҳодати беш аз 180 кӯдак танҳо дар рӯзи 18 март дар Ғазза ишора карда, ки ин рӯзро ба яке аз маргбортарин рӯзҳо барои кӯдакони фаластинӣ дар як соли гузашта табдил кардааст.
Бар асоси ин гузориш, аз дувуми март, ки низомиёни саҳюнист муҳосираи комили Ғаззаро эъмол карданд, токунӯн ҳеҷ кумаки башардӯстона ва таҷҳизотӣ ба ин минтақа ворид нашудааст. Ин муҳосира, ки токунӯн беш аз се ҳафта ба тӯл анҷомида, аз назари муддатзамон ҳатто аз муҳосираи аввалияи октябри 2023 дар оғози ҷанг низ тӯлонитар шуда ва буҳрони инсонии бесобиқаеро эҷод кардааст.
Ҳамчунин дар ин гузориш омадааст: Амалиёти низомии режими саҳюнистӣ дар шаҳрҳо ва шаҳракҳои фаластинӣ дар шимоли Каронаи Бохтарӣ, аз ҷумлаи Ҷанин токунӯн тӯлонитарин амалиёти низомӣ дар ин минтақа аз замони интифозаи дувум будааст. Ин юришҳо мунҷар ба бузургтарин мавҷи оворагии ҷамъияти фаластинӣ аз соли 1967 токунӯн шудааст.
Созмони UNRWA бори дигар хостори поён бахшидан ба муҳосираи Ғазза, вуруди густардаи кумакҳои башардӯстона ба ин борика ва низ истиқрори оташбас барои ҳифозат аз ҷони ғайринизомиён шуд.
342/
Your Comment