Раҳбари Инқилоби Исломӣ дар хутбаи дувуми намози Иди Саиди Фитр, идомаи наслкушӣ ва кӯдаккушии режими саҳюнӣ дар Ғазза ва Лубнонро мӯҷиби талхкомии уммати исломӣ дар моҳи Рамазон хонданд ва хотирнишон карданд: Ин ҷиноёт дар сояи идомаи кумакҳо ва ҳимоятҳои Амрико аз бонди табаҳкори ғосиби Фаластин сӯрат гирифт.
Ба гузориши Порс Тудей ба нақл аз пойгоҳи иттилоърасонии дафтари мақоми муаззами раҳбарӣ, эшон режими саҳюнистиро неруи ниёбатии истеъморгарон дар минтақа хонданд ва афзуданд: Ғарбиҳо мукарраран миллатҳои шуҷоъ ва ҷавонони ғаюри минтақаро ба ниёбатӣ будан муттаҳам мекунанд, аммо комилан возеҳ аст, ки танҳо неруи ниёбатӣ дар минтақа режими фосиде аст, ки бо оташафрӯзӣ, наслкушӣ ва таҷовуз ба кишварҳои дигар дар ҳоли идома ва такмили нақшаи кишварҳое аст, ки баъд аз ҷанги ҷаҳонӣ, рӯи ин минтақа даст гузоштанд.
Имом Хоманаӣ бо ишора ба иддаоҳои зиддитеррористии истиъморгароне, ки бо пул ва расона бар ҷаҳон ҳукӯмат мекунанд, гуфтанд: Ҳаминҳое, ки дар суханони худ дифои миллатҳо аз ҳуқуқу сарзамини худро терроризм ва ҷиноят мехонанд, дар муқобили наслкушӣ ва иқдомоти террористии сареҳи саҳюнистҳо ё чашм мебанданд ё ба ингуна иқдомот кумак ҳам мекунанд.
Эшон дар идома бо ишора ба террори шахсатҳое ҳамчун Абу Ҷиҳод, Фатҳии Шақоқӣ, Аҳмад Ёсин ва Имод Муғния дар кишварҳои мухталиф ба дасти режими саҳюнӣ ва низ террорҳои мутааддиди донишмандони ироқӣ дар амалиёти ин режим гуфтанд: Амрико ва теъдоде аз кишварҳои ғарбӣ аз ин ҳаракоти сареҳи террористӣ дифо ва бақияи ҷаҳон низ фақат тамошо мекунад.
Тасвире аз имом Хоманаӣ дар намози Иди Саиди Фитр
Имом Хоманаӣ бо маҳкӯм кардани шадиди беэътиноии муддаиёни ҳуқуқи башар дар қиболи шаҳодати ҳудӯди 20 ҳазор кӯдаки фаластинӣ дар камтар аз дусоли ахир гуфтанд: Албатта миллатҳои ҷаҳон, аз ҷумла дар Аврупо ва Амрико дар ҳадде, ки аз ин ҷиноёт огоҳ мешаванд, алайҳи саҳюнистҳо ва Амрико тазоҳурот ва иҷтимо мекунанд, ки агар иттилоърасонии комиле сӯрат гирад, ҳатман миллатҳо эътирозоти худро густариш медиҳанд.
Эшон дар навъе ҷамъбандӣ аз воқеъиёти баён шуда таъкид карданд: Ин гуруҳи табаҳкору шарир ва ҷонӣ (ҷинояткор, бадкор ва авбош) бояд аз Фаластин ва минтақа решакан шавад, ки ба ҳавлу қувваи илоҳӣ чунин хоҳад шуд ва талош дар ин замина вазифаи динӣ, ахлоқӣ ва инсонии ҳамаи афроди башар аст.
Тасвире аз иқомаи намози Иди Саиди Фитр ба имомати ҳазрати оятуллоҳ Хоманаӣ
Раҳбари Инқилоби Исломӣ бо ишора ба суботи мавозеъи Ҷумҳурии исломӣ дар бораи минтақа гуфтанд: Мавозеъи мо собит аст ва душмании Амрико ва режими саҳюнӣ ҳам мисли гузаштааст.
Имом Хоманаӣ дар поёни хутбаи дувум ду нуктаи муҳим дар бораи мавозеъи таҳдидомези ахири Амрико баён карданд: Аввал инки агар шарорате аз хориҷ сӯрат бигирад, ки албатта эҳтимолаш зиёд нест, қатъан зарбаи мутақобили муҳкаме хоҳанд хӯрд ва дувуми инки агар душман монанди бархе солҳои қабл, ба фикри эҷоди финта дар дохил бошад, миллат ҳамонанди он солҳо, ҷавоби муҳкаме ба фитнаафрӯзон хоҳад дод.
Намози Иди Саиди Фитр субҳи имрӯз душанбе бо шукӯҳе ба ёдмонданӣ ва бо ҳузури фишурдаи миллати муъмин ва иззатманди Эрон дар саросари Эрони исломӣ иқома шуд. Дар Теҳрон, пойтахт низ анбӯҳи бешумори мардум, бо дилҳоӣ саршор аз умед ба фазлу ёрии Парвардгор, намози Иди Саиди Фитрро ба имомати имом Хоманаӣ дар Мусаллои Теҳрон ва хиёбонҳои атроф иқома карданд.
Тасвире аз ҳузури густардаи мардуми Теҳрон дар намози Иди Саиди Фитр ба имомати Раҳбари инқилоб
Раҳбари Инқилоби Исломӣ дар хутбаи аввали намоз бо табрики Иди Саиди Фитр ба миллати Эрону уммати исломӣ ва ҳамчунин табрики Наврӯз ва соли нав ва рӯзи 12 фарвардин (иди бузурги таъйини Ҷумҳурии исломӣ ба унвони низоми мунтахаби миллат), Рамазони имсолро моҳи рушди қалбӣ ва маънавӣ ҳамроҳ бо талоши сиёсӣ ва таҳҳаруки имонии миллат хонданд.
Your Comment