Бинямин Натаняҳу, нахуствазири режими саҳюнистӣ рӯзи якшанбе дар нишасти кабина, ки бо ҳузури хонаводаҳои асирони исроилӣ баргузор шуд, муддаӣ шуд, ки Тел Ави ва омодагии гуфтугуҳо барои расидан ба марҳалаи поёнии ҷанг, ки мусталзими халъи силоҳи муқовимату хориҷ кардани раҳбарони муқовимат аз Ғазза бошад, дорад.
Ба гузориши Порс Тудей, нахуствазири режими саҳюнистӣ ҳамчунин аз амалиёти Амрико алайҳи Яман қадрдонӣ кард ва муддаӣ шуд, ки ба бозгардондани тамомии усарои исроилӣ аз тариқи ҷамъ байни фишорҳои низомӣ ва сиёсӣ пойбанд аст.
Шаҳодати 43 фаластинӣ дар ҳамалоти саҳюнистҳо ба Ғазза дар Иди Фитр
Дар ҳамалоти якшанбеи режими саҳюнистӣ ба Борикаи Ғазза, ки ҳамзамон бо Иди Саиди Фитр дар ин минтақа сӯрати гирифта, дастикам 43 фаластинӣ ба шаҳодат расидаанд. Ҳамчунин Ҳилоли Аҳмари Фаластин эълом кард, ки дар ҷустуҷӯҳои сӯрат гирифта аз зери оворҳои Ғазза пайкари 14 шаҳиди фаластинӣ хориҷ шуда, ки 7 нафар аз онҳо неруҳои имдодӣ ва 5 нафар неруҳои дифои маданӣ ҳастанд, ки 8 рӯз қабл дар Рафаҳ нопадид шуда буданд.
Изъони рӯзномаи саҳюнистӣ ба истифода аз мардуми Ғазза ба унвони сипари инсонӣ
Рӯзномаи саҳюнистии “Ҳааретс” изъон кард, ки низомиёни артиши режими саҳюнистӣ рӯзона дастикам шаш бор аз ғайринизомиёни фаластинӣ дар Ғазза ба унвони сипари инсонӣ истифода кардаанд. Ин рӯзномаи саҳюнистӣ ба нақл аз як афсари олирутба, ки 9 моҳ дар Ғазза ҳузур доштааст, эълом кард, ки дар декабри 2023 шоҳиди иҷрои ин тактик таҳти унвони «протоколи паша» будааст.
Зарурати иқдоми ҷомеаи ҷаҳонӣ барои таваққуфи ҳамалот ба Ғазза
Ҷунбиши муқовимати исломии Фаластин (Ҳамос) дар баёнияе аз ҷомеаи ҷаҳонӣ хост, режими саҳюнистиро маҷбур ба таваққуфи ҳамалот ба Борикаи Ғазза, бозгашт ба тавофуқҳо ва поён додан ба хунрезии бевақфа алайҳи фаластиниён кунад. Дар ин баёния бо ишора ба ҷинояти ҷадиди Исроил дар рӯзи Иди Фитр (якшанбе) омадааст: Қатли кӯдакон дар рӯзи ид, он ҳам дар чодарҳое, ки ба иҷбор ба онҳо паноҳ бурда буданд, бори дигар моҳияти фашистии режими ишғолгару бегонагии он бо ҳаргуна арзиши инсонӣ ва ахлоқиро ошкор мекунад.
Ҷузъиёти тарҳи режими саҳюнистӣ дар бораи музокироти оташбас дар Ғазза
Режими саҳюнистӣ шомгоҳи панҷшанбе тарҳеро аз сӯи тарафҳои миёнҷӣ дар музокироти перомуни оташбас дар Ғазза ва табодули усаро бо ҷунбиши Ҳамос дарёфт кард ва дар муқобил, шомгоҳи шанбе тарҳи пешниҳодии худро ироа кард. Канали 12 телевизиони режими саҳюнистӣ гузориш дод: Тел Авив дар ин тарҳ хостори озодии 10 асири зинда ва таҳвили аҷсоди 11 асири мурда дар Борикаи Ғазза шудааст. Ин дар ҳоле аст, ки Халил ал-Ҳайя, раиси ҷунбиши Ҳамос дар Ғазза шомгоҳи шанбе аз мувофиқати ин ҷунбиш бо пешниҳоди ҷадиде, ки аз Миср ва Қатар дарёфт карда хабар дод ва ибрози умедворӣ кард, ки режими саҳюнистӣ дар иҷрои ин тавофуқ коршиканӣ накунад.
342/
Your Comment