Ба гузориши Хадамоти иттилоотии Аҳли Байт (А) - АБНА - сухангӯи Вазорати умури хориҷаи Ҷумҳурии Исломии Эрон изҳороти "Майк Ҳакебӣ" сафири Амрико дар Тел-Авивро дар бораи иҷозатнок будани тасарруфи сарзаминҳои арабӣ-исломӣ «аз Нил то Фурот» аз ҷониби режими сионистӣ, маҳкум кард.
Исмоил Бақоӣ субҳгоҳ дар шабакаи X бо ишора ба баёнияи содиршуда аз ҷониби Котиботи Созмони Ҳамкории Исломӣ дар ин маврид таъкид кард: Ҷумҳурии Исломии Эрон, ҳамсадо бо Созмони Ҳамкории Исломӣ, ин «гуфторҳои ифротии идеологӣ»-ро маҳкум мекунад; изҳороте, ки режими ишғолгарро дар идомаи ҷиноятҳо алайҳи фаластиниён ва таҷовузҳои муттасил алайҳи кишварҳои минтақа, беш аз пеш далертар мекунад.
Гуфтанӣ аст, ки "Майк Ҳакебӣ" сафири Амрико дар сарзаминҳои ишғолшудаи Фаластин дар мусоҳибае иддао кардааст, ки режими Исроил "ҳаққи динӣ" барои ҳукмронӣ бар тамоми Ховари Миёна, ё ақаллан қисми бузурги онро дорад.
Your Comment